Foreign Trade Policy Department

    ພາສາລາວພາສາອັງກິດ

ເມນູຫຼັກ

ໜ່ວຍງານແຈ້ງຂໍ້ມູນ GATS

WTO & AEC Center

ຜູ້ທີ່ກຳລັງເຂົ້າຢ້ຽມຊົມ

ເຮົາມີ 71 ບຸກຄົນທົ່ວໄປ ອອນໄລນ

ສະຖິຕິຜູ້ເຂົ້າຢ້ຽມຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday924
mod_vvisit_counterYesterday1010
mod_vvisit_counterThis week924
mod_vvisit_counterLast week7095
mod_vvisit_counterThis month10883
mod_vvisit_counterLast month28401
mod_vvisit_counterAll days1304569

Workshop on the Economic Integration of Lao PDR, was held at Chanthabouly District Vientiane Capital on 25 December 2012

ອີເມລ ພິມ PDF
There are no translations available.

ໃນຕອນເຊົ້າ ວັນທີ 25 ທັນວາ 2012, ກົມນະໂຍບາຍການຄ້າຕ່າງປະເທດ ກະຊວງ ອຸດສາຫະກຳ ແລະ ການຄ້າ ໄດ້ຈັດກອງປະຊຸ ມເຜີຍແຜ່ຫົວຂໍ້: ການຮ່ວມມືດ້ານເສດຖະກິດກັບອາຊຽນ, ການເຂົ້າເປັນສະມາຊິກອົງການການຄ້າໂລກ, ການຮ່ວມມືສອງຝ່າຍ ແລະ ການຮ່ວມມືລະດັບພາກພຶ້ນ-ອະນຸພາກພຶ້ນ ຂອງ ສປປ ລາວ ຂື້ນທີ່ຫ້ອງວ່າການປົກຄອງເມືອງຈັນທະບູລີ, ໂດຍການເປັນປະທານຂອງທ່ານ ດຣ. ນາມ ວິຍະເກດ ລັດຖະມົນຕີວ່າການ ກະຊວງອຸດສາຫະກໍາ ແລະ ການຄ້າ, ລັດຖະມົນຕີເສດຖະກິດອາຊຽນຂອງ ສປປ ລາວ, ທັງເປັນຮອງປະທານຄະນະກຳມະການປະສານງານລະດັບຊາດວ່າດ້ວຍການເຊື່ອມໂຍງເສດຖະກິດກັບສາກົນຂອງ ສປປ ລາວ, ແລະ ໃຫ້ກຽດກ່າວຕ້ອນຮັບແຂກໂດຍ ທ່ານຈັນທອນ ລັດຖະຈັກ ຮອງເລຂາຄະນະພັກເມືອງ, ຮອງເຈົ້າເມືອງຈັນທະບູລີ.

ເຂົ້າຮ່ວມກອງປະຊຸມຄັ້ງນີ້ມີຜູ້ເຂົ້າຮ່ວມຈຳນວນ 100 ທ່ານ : ຊຶ່ງມາຈາກຫ້ອງ​ວ່າການປົກຄອງນະຄອນຫຼວງວຽງຈັນ, ຫ້ອງ​ວ່າການປົກຄອງເມືອງຈັນທະບູລີ, ເມືອງສີໂຄດຕະບອງ, ເມືອງສີສະຕະນາກ ແລະເມືອງໄຊເສດຖາ, ພະ​ແນ​ກ ອຄ ນະຄອນຫຼວງວຽງຈັນ, ​ຫ້ອງການ ອຄ ​ເມືອງຈັນທະບູລີ, ພາກທຸລະກິດໃນຂອບເຂດເມືອງຈັນທະບູລີ, ​ຄະນະບ້ານຈາກ 30 ໝູ່ບ້ານ,​ ໃນຂອບເຂດເມືອງຈັນທະບູລີ, ບັນດາສຳນັກຂ່າວໂທລະພາບ ແລະ ໜັງສືພິມ ແລະ ອື່ນໆ.

ຈຸດປະສົງ ແລະ ເປົ້າໝາຍ

ຈຸດ​​ປະ​ສົງອັນສຳຄັນຕົ້ນຕໍຂອງການຈັດ​ກອງປະຊຸມ​​ເຜີຍແຜ່​ຄັ້ງນີ້ ​ແມ່ນ​ເພື່ອສ້າງ​ຄວາມຮັບຮູ້ ແລະ ຄວາມ​ເຂົ້າ​ໃຈອັນເລິກເຊິ່ງ ໃຫ້ກັບພະນັກງານ, ນັກວິຊາການຈາກພາກລັດ ແລະ ບັນດາຫົວໜ່ວຍທຸລະກິດຂອງທ້ອງຖິ່ນ ຈາກ 30 ບ້ານ ຂອງເມືອງຈັນທະບູລີ ກ່ຽວກັບວຽກ "ການເຊື່ອມໂຍງເສດຖະກິດກັບພາກພື້ນ ແລະ ສາກົນ ຂອງ ສປປ ລາວ" ແລະ ເປັນການຜັນຂະຫຍາຍວຽກງານ 3 ສ້າງ ທີ່ລັດຖະບານໄດ້ວາງອອກ ຄື: ສ້າງແຂວງໃຫ້ເປັນຫົວໜ່ວຍຍຸດທະສາດ, ສ້າງເມືອງໃຫ້ເປັນຫົວໜ່ວຍ​ເຂັ້ມ​ແຂງຮອບດ້ານ ແລະ ສ້າງບ້ານໃຫ້ເປັນຫົວໜ່ວຍພັດທະນາ.  ຊຶ່ງກົມນະໂຍບາຍການຄ້າຕ່າງປະເທດ, ກະຊວງອຸດສາຫະກຳ ແລະ ການຄ້າ ຈະເລີ່ມຈັດຕັ້ງປະຕິບັດວຽກງານ 3 ສ້າງ ຢູ່ 4 ເມືອງອ້ອມຂ້າງ ເທດສະບານ ໃນນະຄອນຫຼວງວຽງຈັນ ຄື: ເມືອງຈັນທະບູລີ, ເມືອງສີສັດຕະນາກ, ເມືອງສີໂຄດຕະບອງ ແລະ ເມືອງໄຊເສດຖາ, ຊຶ່ງຈະຈັດເປັນ 4 ຄັ້ງ ໂດຍຄັ້ງທຳອິດ ແມ່ນຈັດຢູ່ເມືອງຈັນທະບູລີ, ຫຼັງຈາກນັ້ນ ກໍຈະຈັດຢູ່ອີກ 3 ເມືອງທີ່ກ່າວມານັ້ນ ຕາມລໍາດັບ. ໃນກອງປະຊຸມຄັ້ງນີ້, ລາຍງານຈາກຄະນະວິຊາການຂອງກົມນະໂຍບາຍການຄ້າຕ່າງປະເທດ, ກະຊວງອຸດສາຫະກຳ ແລະ ການຄ້າ ກ່ຽວກັບການເຊື່ອມໂຍງເສດຖະ ກິດກັບພາກພື້ນ ແລະ ສາກົນ ຂອງ ສປປ ລາວ, ໂດຍສະເພາະແມ່ນການຮ່ວມມືດ້ານເສດຖະກິດ ໃນແຕ່ລະຂອບ ເຊັ່ນ: ຂອບການຮ່ວມມື ສອງຝ່າຍ; ຂອບພາກພື້ນ ແລະ ອະນຸພາກພື້ນ; ການຮ່ວມມືເສດຖະກິດກັບອາຊຽນ (ການເຂົ້າເປັນປະຊາຄົມເສດຖະກິດອາຊຽນ ໃນປີ 2015) ແລະ ຂອບການຮ່ວມມືຫຼາຍຝ່າຍ ຫຼື ອົງການການຄ້າໂລກ (WTO) ກໍຄືຄວາມໜ້າ ແລະ ຜົນສໍາເລັດວຽກເຈລະຈາ ເຂົ້າເປັນສະມາຊິກອົງການ ການຄ້າໂລກ ຂອງ ສປປ ລາວ ທີ່ໄດ້ດຳເນີນມາເປັນເວລາ 15 ປີ. ພ້ອມດຽວກັນນີ້ ປະຊຸມຍັງໄດ້ຮັບຟັງການສະຫຼຸບລາຍງານ ສະພາບເສດຖະກິດ-ການຄ້າ ຈາກຜູ້ຕາງໜ້າເມືອງຈັນທະບູລີ.

ນອກຈາກ​ນີ້, ຍັງໄດ້​ຖື​ໂອກາດ​ນີ້​ເປັນ​ເວທີ​ໃນ​ການ​ສົນທະນາປຶກສາ​ຫາລືກ່ຽວກັບຂໍ້ສະດວກ, ຂໍ້ຫຍຸ້ງຍາກໃນການຈັດຕັ້ງປະຕິບັດວຽກງານ ແລະ ດຳເນີນທຸລະກິດພ້ອມທັງເປັນການແລກປ່ຽນ​ຄຳ​ຄິດ​ຄຳ​ເຫັນ​ເຊິ່ງກັນ​ ແລະ​ ກັນ ພ້ອມທັງຄົ້ນຄວ້າຫາວິທີທາງແກ້ຂໍ້ຫຍຸ້ງຍາກຕ່າງໆທີ່ມີ, ອັນແນໃສ່ເພື່ອສ້າງຄວາມພ້ອມໃນການເຂົ້າສູ່ການສ້າງປະຊາຄົມເສດຖະກິດອາຊຽນໃນປີ 2015 ແລະ ປະຕິບັດການຮ່ວມມືໃນຂອບຂອງອົງການການຄ້າໂລກໄດ້ຢ່າງມີປະສິດທິຜົນ.

ໃນໂອກາດກອງປະຊຸມຄັ້ງນີ້ໄດ້ມີຄະນະວິທະຍາກອນຫຼາຍທ່ານຊຶ່ງມາຈາກກົມນະໂຍບາຍການຄ້າຕ່າງ ປະເທດ, ກະຊວງ ອຸດສາຫະກຳ ແລະ ການຄ້າ ເຂົ້າຮ່ວມບັນຍາຍເອກະສານໃນຫົວຂໍ້ຕ່າງໆເຊັ່ນ:

1)   ນະໂຍບາຍຂອງລັດຖະບານກ່ຽວກັບການເປີດກ້ວາງການພົວພັນກັບຕ່າງປະເທດ, ສະພາບການຮ່ວມມືໃນປະຈຸບັນ ແລະ ທ່າອ່ຽງໃນຕໍ່ໜ້າ.

2)   ການເຊື່ອມໂຍງເສດຖະກິດ ແລະ ການຄ້າໃນຂອບສອງຝ່າຍ ຂອງ ສປປ ລາວ

3)   ການເຊື່ອມໂຍງເສດຖະກິດ ແລະ ການຄ້າໃນຂອບອາຊຽນ

4)   ການ​ເຊື່ອມ​ໂຍງ​ເສດຖະກິດ​ກັບ​ພາກພື້ນອາຊີ​-ປາຊີ​ຟິກ (APTA) ແລະ ສັນຍາການຄ້າອາຊີ​-ປາຊີ​ຟິກ

5)   ຜົນການເຈລະຈາເຂົ້າເປັນສະມາຊິກອົງການການຄ້າໂລກ ຂອງ ສປປ ລາວ

ພາຍຫຼັງການບັນຍາຍເອກະສານແຕ່ລະຫົວຂໍ້ ກໍໄດ້ມີການສົນທະນາ-ແລກປ່ຽນຄວາມຄິດເຫັນ ຢ່າງກົງໄປກົງມາ, ເຮັດໃຫ້ບັນຍາກາດຂອງກອງປະຊຸມ ດຳເນີນໄປຢ່າງຟົດຟື້ນ ທັງຮັບປະກັນທາງດ້ານເນື້ອໃນ. ການຈັດກອງປະຊຸມເຜີຍແຜ່ຫົວຂໍ້ດັ່ງກ່າວນີ້ ເຫັນວ່າ ໄດ້ຮັບຄວາມສົນໃຈເປັນຢ່າງຍິ່ງ ຈາກຜູ້ເຂົ້າຮ່ວມ ແລະ ກອງປະຊຸມ ແມ່ນປະສົບຜົນສຳເລັດຢ່າງຈົບງາມ.

{jcomments on}

ແກ້ໄຂລ່າສຸດ ( ມື້ພະຫັດທີ່ 27 ທັນວາ 2012 ເວລາ 09: 14 )  
You are here: Home ຂ່າວສານແລະກິດຈະກຳ ຂ່າວສານ Workshop on the Economic Integration of Lao PDR, was held at Chanthabouly District Vientiane Capital on 25 December 2012

ບົດຄວາມທີ່ກ່ຽວຂ້ອງ