Foreign Trade Policy Department

    ພາສາລາວພາສາອັງກິດ

ເມນູຫຼັກ

ໜ່ວຍງານແຈ້ງຂໍ້ມູນ GATS

WTO & AEC Center

ຜູ້ທີ່ກຳລັງເຂົ້າຢ້ຽມຊົມ

ເຮົາມີ 44 ບຸກຄົນທົ່ວໄປ ອອນໄລນ

ສະຖິຕິຜູ້ເຂົ້າຢ້ຽມຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday228
mod_vvisit_counterYesterday990
mod_vvisit_counterThis week1218
mod_vvisit_counterLast week6558
mod_vvisit_counterThis month25961
mod_vvisit_counterLast month31196
mod_vvisit_counterAll days1130282

Dissemination Meeting on Economic Integration of Lao PDR at Sisattanak District, Vientiane capital on 25 Jan 2013

ອີເມລ ພິມ PDF
There are no translations available.

Dr. Nam Viyakethໃນຕອນເຊົ້າວັນທີ 25 ມັງກອນ 2013, ກົມນະໂຍບາຍການຄ້າຕ່າງປະເທດ, ກະຊວງ ອຸດສາຫະກໍາ ແລະ ການຄ້າ ໄດ້ຈັດກອງປະຊຸມເຜີຍແຜ່ວຽກ: ການຮ່ວມມືດ້ານເສດຖະກິດກັບອາຊຽນ, ການເຂົ້າເປັນສະມາຊິກອົງການການຄ້າໂລກ, ການຮ່ວມມືສອງຝ່າຍ ແລະ ການຮ່ວມມືລະດັບພາກພຶ້ນ-ອະນຸພາກພຶ້ນ ຂອງ ສປປ ລາວ ຂຶ້ນທີ່ຫ້ອງວ່າການປົກຄອງເມືອງສີສັດຕະນາກ, ນະຄອນຫຼວງວຽງຈັນ ໂດຍການເປັນປະທານຂອງທ່ານ ດຣ. ນາມ ວິຍະເກດ, ກຳມະການສູນກາງພັກ, ລັດຖະມົນຕີວ່າການກະຊວງອຸດສາຫະກໍາ ແລະ ການຄ້າ, ລັດຖະມົນຕີເສດຖະກິດອາຊຽນ ຂອງ ສປປ ລາວ, ທັງເປັນຮອງປະທານຄະນະກຳມະການປະສານງານລະດັບຊາດ ວ່າດ້ວຍການເຊື່ອມໂຍງເສດຖະກິດກັບສາກົນ ຂອງ ສປປ ລາວ.

ກອງປະຊຸມຄັ້ງນີ້ ມີຜູ້ເຂົ້າຮ່ວມທັງໝົດຈຳນວນ 121 ທ່ານ, ມີທ່ານເຈົ້າເມືອງ ແລະ ຮອງເຈົ້າເມືອງສີສັດຕະນາກ, ທ່ານຫົວໜ້າຫ້ອງ​ວ່າການປົກຄອງເມືອງ, ຜູ້ຕາງໜ້າຈາກ​ ຫ້ອງການຂະແໜງເສດຖະກິດ, ມີ​ຄະນະບ້ານ ຈາກ 37 ໝູ່ບ້ານ ແລະ ຜູ້ປະກອບການໃນຂະແໜງຕ່າງໆ (ພາກທຸລະກິດ) ໃນຂອບເຂດເມືອງສີສັດຕະນາກ. ພ້ອມນີ້, ກໍມີທ່ານຮອງເຈົ້າເມືອງໄຊເສດຖາ ແລະ ຜູ້ຕາງໜ້າຈາກພະແນກອຸດສາຫະກຳ ແລະ ການຄ້ານະຄອນຫຼວງວຽງຈັນ ພ້ອມດ້ວຍບັນດາສື່ມວນຊວນ ຈາກສຳນັກຂ່າວໂທລະພາບ ແລະ ໜັງສືພິມຕ່າງໆ​ ເຂົ້າຮ່ວມຢ່າງພ້ອມພຽງ.

ຈຸດ​​ປະ​ສົງອັນສຳຄັນຕົ້ນຕໍຂອງການຈັດ​ກອງປະຊຸມ​​ເຜີຍແຜ່​ຄັ້ງນີ້ ​ແມ່ນ​ເພື່ອສ້າງ​ຄວາມຮັບຮູ້ ແລະ ຄວາມ​ເຂົ້າ​ໃຈອັນເລິກເຊິ່ງ ໃຫ້ກັບພະນັກງານ, ນັກວິຊາການຈາກພາກລັດ ແລະ ບັນດາຫົວໜ່ວຍທຸລະກິດຂອງທ້ອງຖິ່ນ ຈາກ 37 ບ້ານ ຂອງເມືອງສີສັດຕະນາກ ກ່ຽວກັບວຽກ "ການເຊື່ອມໂຍງເສດຖະກິດກັບພາກພື້ນ ແລະ ສາກົນ ຂອງ ສປປ ລາວ" ແລະ ເປັນການຜັນຂະຫຍາຍວຽກງານ 3 ສ້າງ ທີ່ລັດຖະບານໄດ້ວາງອອກ ຄື: ສ້າງແຂວງໃຫ້ເປັນຫົວໜ່ວຍຍຸດທະສາດ, ສ້າງເມືອງໃຫ້ເປັນຫົວໜ່ວຍ​ເຂັ້ມ​ແຂງຮອບດ້ານ ແລະ ສ້າງບ້ານໃຫ້ເປັນຫົວໜ່ວຍພັດທະນາ. ຊຶ່ງກົມນະໂຍບາຍການຄ້າຕ່າງປະເທດ, ກະຊວງອຸດສາຫະກຳ ແລະ ການຄ້າ ໄດ້ເລີ່ມຈັດຕັ້ງປະຕິບັດວຽກງານ 3 ສ້າງ ຢູ່ 4 ເມືອງອ້ອມຂ້າງເທດສະບານ ໃນນະຄອນຫຼວງວຽງຈັນ ຄື: ເມືອງຈັນທະບູລີ, ເມືອງສີສັດຕະນາກ, ເມືອງໄຊເສດຖາ ແລະ ເມືອງສີໂຄດຕະບອງ, ຊຶ່ງຈະຈັດເປັນ 4 ຄັ້ງ ໂດຍຄັ້ງທຳອິດ ແມ່ນໄດ້ຈັດຢູ່ເມືອງຈັນທະບູລີ ໃນວັນທີ 25 ທັນວາ 2012 ຜ່ານມາ, ຄັ້ງນີ້ ຈັດຂຶ້ນຢູ່ເມືອງສີສັດຕະນາກ ຊຶ່ງເປັນຄັ້ງທີ 2. ຫຼັງຈາກນັ້ນ ກໍຈະຈັດຢູ່ອີກ 2 ເມືອງທີ່ກ່າວມານັ້ນ ຕາມລໍາດັບ. ໃນກອງປະຊຸມຄັ້ງນີ້, ຄະນະວິຊາການຂອງກົມນະໂຍບາຍການຄ້າຕ່າງປະເທດ, ກະຊວງອຸດສາຫະກຳ ແລະ ການຄ້າ ໄດ້ລາຍງານກ່ຽວກັບການເຊື່ອມໂຍງເສດຖະກິດກັບພາກພື້ນ ແລະ ສາກົນ ຂອງ ສປປ ລາວ, ໂດຍສະເພາະແມ່ນການຮ່ວມມືດ້ານເສດຖະກິດ ໃນແຕ່ລະຂອບ ເຊັ່ນ: ຂອບການຮ່ວມມື ສອງຝ່າຍ; ຂອບພາກພື້ນ ແລະ ອະນຸພາກພື້ນ; ການຮ່ວມມືເສດຖະກິດກັບອາຊຽນ (ການກຽມເຂົ້າເປັນປະຊາຄົມເສດຖະກິດອາຊຽນ ໃນປີ 2015) ແລະ ຂອບການຮ່ວມມືຫຼາຍຝ່າຍ ຫຼື ອົງການການຄ້າໂລກ (WTO) ກໍຄືຄວາມຄືບໜ້າ ແລະ ຜົນສໍາເລັດວຽກເຈລະຈາ ເຂົ້າເປັນສະມາຊິກອົງການການຄ້າໂລກ ຂອງ ສປປ ລາວ ທີ່ໄດ້ດຳເນີນມາເປັນເວລາ 15 ປີ. ພ້ອມດຽວກັນນີ້ ກອງປະຊຸມຍັງໄດ້ຮັບຟັງການສະຫຼຸບລາຍງານສະພາບພັດທະນາເສດຖະກິດ ຂອງເມືອງສີສັດຕະນາກ ໂດຍ ທ່ານ ບຸນຄຳ ວິຈິດລາສີ, ຮອງເລຂາພັກເມືອງ, ຮອງເຈົ້າ​ເມືອງສີສັດຕະນາກ.

ນອກຈາກ​ນີ້, ຍັງໄດ້​ຖື​ໂອກາດ​ນີ້ ​ເປັນ​ເວທີ​​ສົນທະນາປຶກສາ​ຫາລື ດ້ານຂໍ້ສະດວກ-ຂໍ້ຫຍຸ້ງຍາກ ໃນການຈັດຕັ້ງປະຕິບັດວຽກງານ ແລະ ດຳເນີນທຸລະກິດ ພ້ອມທັງເປັນການແລກປ່ຽນ​ຄຳ​ຄິດ-​ຄຳ​ເຫັນ​ ເຊິ່ງກັນ​ ແລະ​ ກັນ ລະຫວ່າງ ຄະນະວິທະຍາກອນ ແລະ ນັກສຳມະນາກອນ ທີ່ເຂົ້າຮ່ວມກອງປະຊຸມ, ພ້ອມທັງຄົ້ນຄວ້າຫາວິທີທາງແກ້ໄຂຂໍ້ຫຍຸ້ງຍາກຕ່າງໆທີ່ມີ ອັນແນໃສ່ເພື່ອສ້າງຄວາມພ້ອມໃນການເຂົ້າສູ່ປະຊາຄົມເສດຖະກິດອາຊຽນ ໃນປີ 2015 ແລະ ປະຕິບັດພັນທະ ແລະ ການຮ່ວມມືໃນຂອບອົງການການຄ້າໂລກ ໃຫ້ໄດ້ຢ່າງມີປະສິດທິຜົນ.

ໃນໂອກາດກອງປະຊຸມຄັ້ງນີ້ ໄດ້ມີຄະນະວິທະຍາກອນຫຼາຍທ່ານ ທີ່ມາຈາກກົມນະໂຍບາຍການຄ້າຕ່າງ ປະເທດ, ກະຊວງອຸດສາຫະກຳ ແລະ ການຄ້າ ເຂົ້າຮ່ວມບັນຍາຍເອກະສານໃນຫົວຂໍ້ຕ່າງໆ ເຊັ່ນ:

1)   ນະໂຍບາຍຂອງລັດຖະບານກ່ຽວກັບການເປີດກ້ວາງການພົວພັນກັບຕ່າງປະເທດ, ສະພາບການຮ່ວມມືໃນປະຈຸບັນ ແລະ ທ່າອ່ຽງໃນຕໍ່ໜ້າ.

2)   ການຮ່ວມມືການຄ້າສອງຝ່າຍ ຂອງ ສປປ ລາວ.

3)   ປະຊາຄົມເສດຖະກິດອາຊຽນ (AEC 2015).

4)   ການ​ເຊື່ອມ​ໂຍງ​ເສດຖະກິດ​ກັບ​ພາກພື້ນອາຊີ​-ປາຊີ​ຟິກ (APTA) ແລະ ສັນຍາການຄ້າອາຊີ​-ປາຊີ​ຟິກ.

5)   ຜົນການເຈລະຈາເຂົ້າເປັນສະມາຊິກອົງການການຄ້າໂລກ ຂອງ ສປປ ລາວ.

ພາຍຫຼັງການບັນຍາຍເອກະສານແຕ່ລະຫົວຂໍ້ແລ້ວ ກໍໄດ້ມີການສົນທະນາ-ແລກປ່ຽນຄວາມຄິດເຫັນ ຢ່າງກົງໄປກົງມາ ເຮັດໃຫ້ກອງປະຊຸມ ດຳເນີນດ້ວຍບັນຍາກາດຟົດຟື້ນ, ມີຄວາມໝາຍເລິກເຊິ່ງ ແລະ ມີເນື້ອໃນອຸດົມສົມບູນ. ການຈັດກອງປະຊຸມເຜີຍແຜ່ຫົວຂໍ້ດັ່ງກ່າວນີ້ ເຫັນວ່າ ໄດ້ຮັບຄວາມສົນໃຈເປັນຢ່າງຍິ່ງ ຈາກຜູ້ເຂົ້າຮ່ວມ ແລະ ກອງປະຊຸມ ແມ່ນປະສົບຜົນສຳເລັດຢ່າງຈົບງາມ.

ແກ້ໄຂລ່າສຸດ ( ມື້ສຸກທີ່ 25 ມັງກອນ 2013 ເວລາ 15: 48 )  
You are here: Home ຂ່າວສານແລະກິດຈະກຳ ຂ່າວສານ Dissemination Meeting on Economic Integration of Lao PDR at Sisattanak District, Vientiane capital on 25 Jan 2013

ບົດຄວາມທີ່ກ່ຽວຂ້ອງ