Foreign Trade Policy Department

    ພາສາລາວພາສາອັງກິດ

ເມນູຫຼັກ

ໜ່ວຍງານແຈ້ງຂໍ້ມູນ GATS

WTO & AEC Center

ຜູ້ທີ່ກຳລັງເຂົ້າຢ້ຽມຊົມ

ເຮົາມີ 71 ບຸກຄົນທົ່ວໄປ ອອນໄລນ

ສະຖິຕິຜູ້ເຂົ້າຢ້ຽມຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday376
mod_vvisit_counterYesterday710
mod_vvisit_counterThis week5521
mod_vvisit_counterLast week6642
mod_vvisit_counterThis month17640
mod_vvisit_counterLast month29264
mod_vvisit_counterAll days1180421

Dissemination Meeting on Economic Integration of Lao PDR at Saysettha District, Vientiane Capital on 15 Feb 2013

ອີເມລ ພິມ PDF
There are no translations available.

ໃນຕອນເຊົ້າວັນທີ 15 ກຸມພາ 2013, ກົມນະໂຍບາຍການຄ້າຕ່າງປະເທດ, ກະຊວງ ອຸດສາຫະກໍາ ແລະ ການຄ້າ ໄດ້ຈັດກອງປະຊຸມເຜີຍແຜ່ວຽກ: ການຮ່ວມມືດ້ານເສດຖະກິດກັບອາຊຽນ, ການເຂົ້າເປັນສະມາຊິກອົງການການຄ້າໂລກ, ການຮ່ວມມືສອງຝ່າຍ ແລະ ການຮ່ວມມືລະດັບພາກພຶ້ນ-ອະນຸພາກພຶ້ນ ຂອງ ສປປ ລາວ ຂຶ້ນທີ່ຫ້ອງວ່າການປົກຄອງເມືອງໄຊເສດຖາ, ນະຄອນຫຼວງວຽງຈັນ ໂດຍການເປັນປະທານຂອງທ່ານ ບຸນສົມ ພົມມະວິຫານ, ຫົວໜ້າກົມນະໂຍບາຍການຄ້າຕ່າງປະເທດ, ກະຊວງອຸດສາຫະກໍາ ແລະ ການຄ້າ, ເຈົ້າໜ້າທີ່ອາວຸໂສເສດຖະກິດອາຊຽນ (SEOM) ຂອງ ສປປ ລາວ, ໃຫ້ກຽດຂຶ້ນກ່າວຕ້ອນຮັບແຂກ ແລະ ລາຍງານສະພາບພັດທະນາເສດຖະກິດຂອງເມືອງໄຊເສດຖາໂດຍສັງເຂບ ໂດຍທ່ານ ບຸນປີງ ປັນຍາຈິດ ຮອງເລຂາພັກເມືອງ, ຮອງເຈົ້າເມືອງໄຊເສດຖາ.

 

 

 

ກອງປະຊຸມຄັ້ງນີ້ ມີຜູ້ເຂົ້າຮ່ວມທັງໝົດຈຳນວນ 140 ທ່ານ, ໂດຍມີຮອງເຈົ້າເມືອງ, ຮອງຫ້ອງ​ວ່າການປົກຄອງເມືອງໄຊເສດຖາ, ຜູ້ຕາງໜ້າຈາກ​ ຫ້ອງການຂະແໜງເສດຖະກິດ, ມີ​ຄະນະບ້ານ ຈາກ 48 ໝູ່ບ້ານ ແລະ ຜູ້ປະກອບການໃນຂະແໜງຕ່າງໆ (ພາກທຸລະກິດ) ໃນຂອບເຂດເມືອງໄຊເສດຖາ. ພ້ອມນີ້, ຍັງມີຜູ້ຕາງໜ້າຈາກພະແນກອຸດສາຫະກຳ ແລະ ການຄ້າ ນະຄອນຫຼວງວຽງຈັນ ພ້ອມດ້ວຍບັນດາສື່ມວນຊວນ ຈາກສຳນັກຂ່າວໂທລະພາບ ແລະ ໜັງສືພິມຕ່າງໆ​ ເຂົ້າຮ່ວມຢ່າງພ້ອມພຽງ.

ຈຸດ​​ປະ​ສົງອັນສຳຄັນຕົ້ນຕໍຂອງການຈັດ​ກອງປະຊຸມ​​ເຜີຍແຜ່​ຄັ້ງນີ້ ​ແມ່ນ​ເພື່ອສ້າງ​ຄວາມຮັບຮູ້ ແລະ ຄວາມ​ເຂົ້າ​ໃຈອັນເລິກເຊິ່ງ ໃຫ້ກັບພະນັກງານ, ນັກວິຊາການຈາກພາກລັດ ແລະ ບັນດາຫົວໜ່ວຍທຸລະກິດຂອງທ້ອງຖິ່ນ ຈາກ 48 ບ້ານ ຂອງເມືອງໄຊເສດຖາ ກ່ຽວກັບວຽກ "ການເຊື່ອມໂຍງເສດຖະກິດກັບພາກພື້ນ ແລະ ສາກົນ ຂອງ ສປປ ລາວ" ແລະ ເປັນການຜັນຂະຫຍາຍວຽກງານ 3 ສ້າງ ທີ່ລັດຖະບານໄດ້ວາງອອກ ຄື: ສ້າງແຂວງໃຫ້ເປັນຫົວໜ່ວຍຍຸດທະສາດ, ສ້າງເມືອງໃຫ້ເປັນຫົວໜ່ວຍ​ເຂັ້ມ​ແຂງຮອບດ້ານ ແລະ ສ້າງບ້ານໃຫ້ເປັນຫົວໜ່ວຍພັດທະນາ. ຊຶ່ງກົມນະໂຍບາຍການຄ້າຕ່າງປະເທດ, ກະຊວງອຸດສາຫະກຳ ແລະ ການຄ້າ ໄດ້ເລີ່ມຈັດຕັ້ງປະຕິບັດວຽກງານ 3 ສ້າງ ຢູ່ 4 ເມືອງໃຈກາງນະຄອນຫຼວງວຽງຈັນ ຄື: ເມືອງຈັນທະບູລີ, ເມືອງສີສັດຕະນາກ, ເມືອງໄຊເສດຖາ ແລະ ເມືອງສີໂຄດຕະບອງ, ຊຶ່ງຈະຈັດເປັນ 4 ຄັ້ງ ໂດຍຄັ້ງທຳອິດ ແມ່ນໄດ້ຈັດຢູ່ເມືອງຈັນທະບູລີ ໃນວັນທີ 25 ທັນວາ 2012, ຄັ້ງທີ່ສອງໄດ້ຈັດຂຶ້ນຢູ່ເມືອງສີສັດຕະນາກໃນວັນທີ 25 ມັງກອນ 2013 ຜ່ານມາ, ໃນຄັ້ງນີ້ເປັນຄັ້ງທີ 3 ທີ່ໄດ້ຈັດຂຶ້ນທີ່ເມືອງໄຊເສດຖາ, ນະຄອນຫຼວງວຽງຈັນ. ຫຼັງຈາກນັ້ນ ກໍຈະຈັດຢູ່ມືອງສີໂຄດຕະບອງເປັນເມືອງສຸດທ້າຍ.

ໃນກອງປະຊຸມຄັ້ງນີ້, ຄະນະວິຊາການຂອງກົມນະໂຍບາຍການຄ້າຕ່າງປະເທດ, ກະຊວງອຸດສາຫະກຳ ແລະ ການຄ້າ ໄດ້ລາຍງານກ່ຽວກັບການເຊື່ອມໂຍງເສດຖະກິດກັບພາກພື້ນ ແລະ ສາກົນ ຂອງ ສປປ ລາວ, ໂດຍສະເພາະແມ່ນການຮ່ວມມືດ້ານເສດຖະກິດ ໃນແຕ່ລະຂອບ ເຊັ່ນ: ຂອບການຮ່ວມມື ສອງຝ່າຍ; ຂອບພາກພື້ນ ແລະ ອະນຸພາກພື້ນ; ການຮ່ວມມືເສດຖະກິດກັບອາຊຽນ (ການກຽມເຂົ້າເປັນປະຊາຄົມເສດຖະກິດອາຊຽນ ໃນປີ 2015) ແລະ ຂອບການຮ່ວມມືຫຼາຍຝ່າຍ ຫຼື ອົງການການຄ້າໂລກ (WTO) ກໍຄືຜົນສໍາເລັດວຽກເຈລະຈາເຂົ້າເປັນສະມາຊິກອົງການການຄ້າໂລກ ຂອງ ສປປ ລາວ ທີ່ໄດ້ດຳເນີນມາເປັນເວລາ 15 ປີ. ພ້ອມດຽວກັນນີ້ ກອງປະຊຸມຍັງໄດ້ຮັບຟັງການສະຫຼຸບລາຍງານສະພາບພັດທະນາເສດຖະກິດ ຂອງເມືອງໄຊເສດຖາ ໂດຍ ທ່ານ ກົມມາລາ ຈຳປາສຸກ, ຮອງຫ້ອງວ່າການເມືອງໄຊເສດຖາ.

ໃນໂອກາດກອງປະຊຸມຄັ້ງນີ້ ໄດ້ມີຄະນະວິທະຍາກອນຫຼາຍທ່ານ ທີ່ມາຈາກກົມນະໂຍບາຍການຄ້າຕ່າງ ປະເທດ, ກະຊວງອຸດສາຫະກຳ ແລະ ການຄ້າ ເຂົ້າຮ່ວມບັນຍາຍເອກະສານໃນຫົວຂໍ້ຕ່າງໆ ເຊັ່ນ:

1)   ການຮ່ວມມືການຄ້າສອງຝ່າຍ ຂອງ ສປປ ລາວ.

2)   ປະຊາຄົມເສດຖະກິດອາຊຽນ (AEC 2015).

3)   ການ​ເຊື່ອມ​ໂຍງ​ເສດຖະກິດ​ກັບ​ພາກພື້ນອາຊີ​-ປາຊີ​ຟິກ (APTA) ແລະ ສັນຍາການຄ້າອາຊີ​-ປາຊີ​ຟິກ.

4)   ສປປ ລາວ ແລະ ການເຂົ້າເປັນສະມາຊິກອົງການການຄ້າໂລກ (WTO)

ນອກຈາກ​ນີ້, ຍັງໄດ້​ຖື​ໂອກາດ​ນີ້ ​ເປັນ​ເວທີ​​ສົນທະນາປຶກສາ​ຫາລື ດ້ານຂໍ້ສະດວກ-ຂໍ້ຫຍຸ້ງຍາກ ໃນການຈັດຕັ້ງປະຕິບັດວຽກງານ ແລະ ດຳເນີນທຸລະກິດ ພ້ອມທັງເປັນການແລກປ່ຽນ​ຄຳ​ຄິດ-​ຄຳ​ເຫັນ​ ເຊິ່ງກັນ​ ແລະ​ ກັນ ລະຫວ່າງ ຄະນະວິທະຍາກອນ ແລະ ນັກສຳມະນາກອນ ທີ່ເຂົ້າຮ່ວມກອງປະຊຸມ, ພ້ອມທັງຄົ້ນຄວ້າຫາວິທີທາງແກ້ໄຂຂໍ້ຫຍຸ້ງຍາກຕ່າງໆທີ່ມີ ອັນແນໃສ່ເພື່ອສ້າງຄວາມພ້ອມໃນການເຂົ້າສູ່ປະຊາຄົມເສດຖະກິດອາຊຽນ ໃນປີ 2015 ແລະ ປະຕິບັດພັນທະ ແລະ ການຮ່ວມມືໃນຂອບອົງການການຄ້າໂລກ ໃຫ້ໄດ້ຢ່າງມີປະສິດທິຜົນ.

ແກ້ໄຂລ່າສຸດ ( ມື້ສຸກທີ່ 15 ກຸມພາ 2013 ເວລາ 16: 05 )  
You are here: Home ຂ່າວສານແລະກິດຈະກຳ ຂ່າວສານ Dissemination Meeting on Economic Integration of Lao PDR at Saysettha District, Vientiane Capital on 15 Feb 2013