Foreign Trade Policy Department

    Lao (ພາສາລາວ)English

Main Menu

GATS Enquiry Point

WTO & AEC Center

Who's Online

We have 77 guests online

Visitor Counter

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday76
mod_vvisit_counterYesterday1200
mod_vvisit_counterThis week1276
mod_vvisit_counterLast week6797
mod_vvisit_counterThis month20192
mod_vvisit_counterLast month29264
mod_vvisit_counterAll days1182973

3 Build Directive

E-mail Print PDF

FTPD Party:  3 Build Directive

ເຂົ້າ​ໃຈ 3 ສ້າງ, ​ເຂົ້າ​ໃຈ​ແນວທາງ​ຂອງ​ພັກ​ໃນ​ເງື່ອນ​ໄຂ​ໃຫມ່.

+ 3 ສ້າງ​ແມ່ນ​ຫຍັງ ?

  • 3 ສ້າງ​​ເລີ່ມກໍາ​ເນີ​ດ​ເກີດ​ຂຶ້ນຢ່າງ​​ເປັນ​ທາງ​ການ​ຢູ່​ໃນມະຕິ​ຂອງ​ກົມ​ການ​ເມືອງ​ສູນ​ກາງ​

ພັກ ສະບັບ​ເລກທີ 03 /ກມສພ ລົງ​ວັນ​ທີ 15 / 2 /2012 ນັ້ນກໍ່​ຄື​

1. ການ​ສ້າງ​ແຂວງ​ເປັນ​ຫົວຫ​ຫນ່ວຍ​ຍຸດທະສາດ,

2. ສ້າງ​ເມືອງ​ເປັນ​ຫົວຫນ່ວຍ​ເຂັ້ມ​ແຂງ​ຮອບດ້ານ​ ແລະ

3. ສ້າງ​ບ້ານ​ເປັນ​ຫົວຫນ່ວຍ​ພັດທະນາ.

​​ໂອກາດ​ໂອ້​ລົມ​ຕໍ່​ກອງ​ປະຊຸມ​ທົ່ວ​ປະ​ເທດ ​ເພື່ອ​ຊຸກ​ຍູ້​ວຽກ​ງານ 3 ສ້າງ ​ເຂົ້າສູ່​ລວງ​ເລິກ

( 5/2/2013 ) ສະຫາຍ ຈຸມມະ​ລີ ​ໄຊ​ຍະ​ສອນ ​ເລຂາທິການ​ໃຫມ່​ຍ ຄະນະ​ບໍລິຫານ​ງານ​ສູນ​ກາງ​ພັກ, ປະທານ​ປະ​ເທດ ​ແຫ່ງ ສປປລາວ ​ໄດ້​ກ່າວ​ວ່າ : 3 ສ້າງ​ແມ່ນ​ການ​ເອົາ​ມະຕິ IX ​​ ເຂົ້າສູ່ ​ ການ​ປະຕິວັດ​ຕົວ​ຈິງ ​ໂດຍ​ສະ​ເພາະ​ແມ່ນ​ທິດ​ນຳ​ຍຸ​ດທະ​ສາດ ສ້າງ​ຄວາມ​ຫມັ້ນຄົງ​ໃຫ້​ແກ່​ລັດ ປະຊາທິປະ​ໄຕ ປະຊາຊົນ ​ແລະ ທິດ​ນຳ​ກ່ຽວ​ກັບ 4 ບຸກທະລຸ ​ໃຫ້​ເປັນ​ຈິງ. 3 ສ້າງ​ແມ່ນ​ການ​ປະຕິວັດ​ອັນ​ເລິກ​ເຊິ່ງ​ເຖິງ​ຖອງ​ໃນ​ເງື່ອນ​ໄຂ​ໃຫມ່. 3 ສ້າງ​ແມ່ນ​ຍຸດ​ທະ​ສາດ​ຍາວ​ນານ ​ເພື່ອ​ບັນລຸ​ຈຸດຫມາຍ​ເຮັດ​ໃຫ້​ລະບອບ​ປະຊາທິປະ​ໄຕ ປະຊາຊົນ​ຂອງ​ພວກ​ເຮົາ ທັງ​ນີ້​ກໍ​ຍ້ອນ​ວ່າ​ລະບອບ​ປະຊາທິປະ​ໄຕ ປະຊາຊົນ ມີ​ຄວາມ​ຫມັ້ນຄົງ ພວກ​ເຮົາ​ຈຶ່ງ​ຈະ​ບັນລຸ​ໄດ້​ອຸດົມ​ການ​ທີ່​ວ່າ​ປະ​ເທດ​ຊາດ​ມັ່ງ​ຄັ່ງ​ເຂັ້ມ​ແຂງ. ປະຊາຊົນ​ຮັ່ງມີ​ຜາ​ສຸກ, ສັງຄົມ​ມີປະຊາທິ ປະ​ໄຕ. ຍຸດຕິ​ທຳ ​ແລະ ສີວິ​ໄລ. ອຸດົມ​ການ​ດັ່ງກ່າວ​ນັ້ນ, ​ເນື້ອ​ແທ້​ຂອງ​ມັນ​ກໍ​ແມ່ນ​ການ​ສ້າງ​ບັນດາ​ປະຖົມ​ປັດ​ໄຈ ​ແລະ​ເງື່ອນ​ໄຂ​ຕ່າງໆ​ໃຫ້​ແກ່​ການ​ບັນລຸ​ຈຸດຫມາຍ​ສັງຄົມ​ນິຍົມ​ໂດຍ​ເລີ່​ມ ​ແຕ່​ຮາກ​ຖານ​ຂຶ້ນມາ.

3 ສ້າງ​ຍັງ​ມີ​ລັກສະນະ​ຮອບດ້ານ ​ແລະ ​ເລັ່ງທວງ​ໃຫ້​ມີ​ຫລາຍ​ພາກສ່ວນ, ຫລາຍ ກໍາລັງ​ເຂົ້າຮ່ວມ​ເຮັດ, ​ເພາະວ່າ 3 ສ້າງ​ແມ່ນ​ພາລະ​ກໍາ​ປະຫວັດສາດ, ​ແມ່ນ​ຫນ້າ​ທ່ີ​ລວມ ຂອງ​ທົ່ວ​ພັກ. ທົ່ວ​ລັດ ​ແລະ ທົ່ວ​ປວງ​ຊົນ​ເຮົາ. ດັ່ງນັ້ນ ຈຶ່ງ​ຕ້ອງ​ມີ​ການຈັດຕັ້ງຊີ້​ນຳ-ບັນຊາ​ຢ່າງ​ເລິກ​ເຊິ່ງ​ເຖິງ​ຖອງ ​ເພື່ອ​ຮັບປະກັນ​ຜົນສຳ​ເລັດ.

3 ສ້າງ​ແມ່ນ​ການ​ເສີມ​ຂະຫຍາຍ​ສິດ​ເປັນ​ເຈົ້າ​ໃຫ້​ແກ່​ທ້ອງ​ຖິ່ນ​ຮາກ​ຖານ​ຫລາຍ​ຂຶ້ນ ​ແລະ ມີ​ຄວາມ​ຮັບຜິດຊອບ​ເພີ່ມຂຶ້ນທັງ​ຕິດ​ພັນ​ກັບ​ການ​ໄດ້​ຮັບ​ຜົນ​ປະ​ໂຫຍ​ດຢ່າງ​ເຫມາະສົມ. ຖ້າ​ເຮັດ​ໄດ້​ຄື​ແນວ​ນັ້ນ, ທ້ອງ​ຖິ່ນ​ຮາກ​ຖານ​ຈຶ່ງ​ຈະ​ມີ​ຄວາມ​ເຂັ້ມ​ແຂງ,​ພື້ນຖານ​ຂອງ​ລະບອບ​ປະຊາທິປະ​ໄຕ ປະຊາຊົນ​ກໍ​ຈະ​ມີ​ຄວາມ​ແຫນ້ນ​ແກ່ນ, ປະ​ເທດ​ຊາດ​ກໍ​ຈະ​ມີ​ຄວາມ​ຫມັ້ນຄົງ. ສະນັ້ນ , ການ​ເສີມ​ຂະຫຍາຍ​ສິດ​ເປັນ​ເຈົ້າ​ໃຫ້​ແກ່​ທ້ອງ​ຖິ່ນ​ຮາກ​ຖານ ຈຶ່ງ​ແມ່ນ​ວຽກ​ສຳຄັນ​ຕົ້ນຕໍ​ອັນ​ຫນຶ່ງ​ຂອງ 3 ສ້າງ. ອັນ​ນີ້​ຫມາຍ​ຄວາມ​ວ່າ ບັນດາ​ກະຊວງ - ອົງ​ການ​ສູນ​ກາງ​ຕ້ອງ​ຫັນ​ໄ​ປ​ເຮັດ​ພາລະ​ບົດບາດ​ຄຸ້ມ​ຄອງ ມະຫາ​ພາກ​ເປັນຕົ້ນຕໍ. ພ້ອມ​ກັນນັ້ນກໍ​ຢຶດຫມັ້ນ​ໃນ​ຈິດ​ໃຈ​ບຸກທະລຸ ​ແລ້ວ​ມອບ​ສິດ, ມອບ​ຄວາມ​ຮັບ​ຜິດ​ຊອບ​ຕິດ​ພັນ​ກັບ​ການ​ແບ່ງປັນ​ຜົນ​ປະ​ໂຫຍດ ​ໃຫ້​ແກ່​ທ້ອງ​ຖິ່ນ​ຮາກ​ຖານ​ຢ່າງ​ເຫມາະ​ສົມ.

​ເຮັດ 3 ສ້າງ ​ແມ່ນ​ການ​ຊຸກຍູ້​ການ​ພັດທະນາ​ເຂົ້າສູ່​ບາດ​ລ້ຽວ​ໃຫມ່, ​ໂດຍ​ສະ​ເພາະ​ແມ່ນ​ການແກ້​ໄຂ​ຄວາມທຸກ​ຍາກ​ຂອງ​ຄອບຄົວ​ໃຫ້​ຍັງ​ເຫລືອ​ບໍ່​ເກີນ 10 % ​ແລະ ບັນລຸ​ເປົ້າຫມາຍ ສະຫັດ​ສະ​ວັດ ດ້ານ​ການ​ພັດທະນາ​ໃນ​ປີ 2015 . ຈາກ​ນັ້ນ ​ເມື່ອ​ຮອດ​ປີ 2020 ປະ​ເທດ​ເຮົາ​ຕ້ອງ​ຫລຸດ​ພົ້ນຈາກ​ຄວາມ​ດ້ອຍ​ພັດທະນາ. ​ແຕ່​ວ່າການ​ກ້າວ​ສູ່​ບາດ​ລ້ຽວ​ໃຫມ່​ແມ່ນ​ມີ​ລັກສະນະ​ທ້າ​ທາຍ ​ແລະ ບໍ່​ງ່າຍ​ປານ​ໃດ, ຕ້ອງ​ມີ​ມານະ​ຈິດ​ແລະ ບຸກບືນ​ສຸດ​ຂີດ ຈຶ່ງ​ຈະ​ບັນລຸ​ໄດ້. ສະນັ້ນ, ຕ້ອງ​ເອົາ 3 ສ້າງ​ເປັນ​ປັດ​ໄຈ​ຕັດສິນ, ປະຕິບັດ 3 ສ້າງ​ຢ່າງ​ຕັ້ງຫນ້າ, ​ເຮັດ​ໃຫ້​ຖືກ​ທິດ ​ແລະ ​ເຮັດ​ໃຫ້​ມີ​ຜົນສໍາເລັັດ. ​ເຮັດ​ຄື​ແນວ​ນັ້ນ ຈຶ່ງ​ຈະ​ເຮັດ​ໃຫ້ການ​ພັດທະນາ​ເຂົ້າສູ່​ບາດ​ລ້ຽວ​ໃຫມ່ ອັນ​ເປັນ​ປະຫວັດສາດ​ໄດ້.

ຢາ​ກ​ເຮັດ​ໃຫ້ 3 ສ້າງ​​ເປັນ​ປັດ​ໄ​ຈຊຸກຍູ້​ສົ່ງ​ເສີມ​ການ​ພັດທະນາ​ສູ່​ບາດ​ລ້ຽວ​ໃຫມ່​ຕ້ອງ​ມີ ​ແຜນການ. ມີ​ໂຄງການ​ລະອຽດ​ຕົວ​ຈິງ, ​ໃນ​ນັ້ນຕົ້ນຕໍ​ແມ່ນ​ໂຄງການ​ຢູ່​ເມືອງ ​ແລະ ຢູ່​ບ້ານ ​ແຕ່​ຢາກ​ສ້າງ​ແຜນການ, ​ໂຄງການ​ພັດທະນາ​ຢູ່​ເ​ມື​ອງ ​ແລະ ບ້ານ​​ເປົ້າຫມາຍ 3 ສ້າງ​ໃຫ້​ໄດ້​ຮັບ​ຜົນສໍາ​ເລັດ. ​ແຜນການ​ແລະ​ໂຄງການ​ນັ້ນຕ້ອງ​ມີ​ລັກສະນະ ບູລິ​ມະ​ສິດ ​ແລະ ມີ​ຈຸດ​ສຸມ​ກວ່າ​ເມືອງ ​ແລະ ບ້ານ​ອື່ນໆ​ທົ່ວ​ໄປ.

ຍູ້​ຂະ​ບວນການ 3 ສ້າງ​ເຂົ້າສູ່​ລວງ​ເລິກ​ຍັງ​ເລັ່ງທວງ​ໃຫ້​ມີ​ການ​ປັບປຸງ​ດັດ​ແກ້​ລະບຽບ​ການ, ກົນ​ໄກ ​ແລະ ​ນິຕິ​ກໍາ​ຈໍານວນ​ຫນຶ່ງ, ອັນ​ນີ້​ກໍ​ມີ​ຄວາມ​ສໍາຄັນ, ສະນັ້ນ​ແຕ່​ລະ​ກະຊວງ, ອົງການ​ຕ້ອງ​ໄດ້​ລົງ​ເລິກ​ຄົ້ນຄ້ວາ​ໃຫ້​ລະອຽດ​ເລິກ​ເຊິ່ງ​ດ້ວຍ​ຄວາມ​ເປັນ​ເຈົ້າການ​ກວ່າ​ເກົ່າ. ການ​ປັບປຸງ​ດັດ​ແກ້​ໄຂ​ນິຕິ​ກຳ​ແມ່ນ​ຈຳ​ເປັນ, ​ເພາະວ່າ​ການ​ແບ່ງ​ຂັ້ນຄຸ້ມຄອງ​ກໍ​ຄື​ການ​ເພີ່​ມສິດ​ແລະ ​ເພີ່ມ​ຄວາມ​ຮັບຜິດຊອບ​ໃຫ້​ທ້ອງ​ຖິ່ນ​ຮາກ​ຖານ​ຕ້ອງ​ໄດ້​ເຮັດ​ເປັນ​ນິຕິ​ກໍາ​ຢ່າ​ງລະອຽດຄົບ​ຖ້ວຍ.

ສັງລວມ​ແລ້ວ, 3 ສ້າງ​ແມ່ນ​ກາກ​ນປະຕິວັດ​ອັນ​ເລິກ​ເຊິ່ງ​ເຖິງ​ຖອງ​ໃນ​ເງື່ອນ​ໄຂ​ໃຫມ່​ແມ່ນ​ການ​ເສີມ​ຂະຫຍາຍ​ສິດ​ເ​ປັນ​ເຈົ້າ​ໃຫ້​ແກ່​ທ້ອງ​ຖິ່ນ, ຮາກ​ຖານ ​ແລະ ​ແມ່ນ​ການ​ຊຸກ​ຍູ້​ການ​ພັດທະນາ​ເຂົ້າສູ່​ບາດ​ລ້ຽວ​ໃຫມ່.

 

Source from website: ຄະນະໂຄສະນາອົບຮົມສູນກາງພັກ

ຂໍ້ມູນຂັດຫຍໍ້:

- ຂະບວນການ 3 ສ້າງມັນທັງແມ່ນການສ້າງບາດກ້າວບຸກທະລຸ 4 ດ້ານໃນພາກຕົວຈິງ ໂດຍສະເພາະແມ່ນການບຸກທະລຸດ້ານກົນໄກ
ແລະ ລະບຽບການບໍລິຫານລັດ ໃຫ້ລົງສູ່ທ້ອງຖິ່ນຮາກຖານ ແລະ ການບຸກທະລຸດ້ານການແກ້ໄຂຄວາມທຸກຍາກຂອງປະຊາຊົນ.


Last Updated ( Wednesday, 18 September 2013 17:43 )  
You are here: Home 3 Build Directive