Foreign Trade Policy Department

    Lao (ພາສາລາວ)English

Main Menu

GATS Enquiry Point

WTO & AEC Center

Who's Online

We have 87 guests online

Visitor Counter

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday77
mod_vvisit_counterYesterday1200
mod_vvisit_counterThis week1277
mod_vvisit_counterLast week6797
mod_vvisit_counterThis month20193
mod_vvisit_counterLast month29264
mod_vvisit_counterAll days1182974

News & Activity

E-mail Print PDF

ຂ່າວ ແລະ ກິດຈະກຳ ຂອງ ພັກກົມ ນຄຕ (News & Activity)

I. ຂ່າວສານ ກົມ ນຄຕ ຜັນຂະຫຍາຍ ວຽກງານ 3 ສ້າງ (FTPD News in implementing 3 build directive)

1. ກອງປະຊຸມເຜີຍແຜ່ວຽກ: ການຮ່ວມມືດ້ານເສດຖະກິດກັບອາຊຽນ, ການເຂົ້າເປັນ ສະມາຊິກ ອົງການການຄ້າໂລກ, ການຮ່ວມມື ສອງຝ່າຍ ແລະ ການຮ່ວມມື ລະດັບພາກພຶ້ນ -ອະນຸພາກພຶ້ນ ຂອງ ສປປ ລາວຈັດຂຶ້ນທີ່

1). ເມືອງສີສັດຕະນາກ, ນະຄອນຫຼວງວຽງຈັນ, ໃນຕອນເຊົ້າວັນທີ 25 ມັງກອນ 2013. ອ່ານເພິ້ມ .....

2). ເມືອງໄຊເສດຖາ, ນະຄອນຫຼວງວຽງຈັນ, ໃນຕອນເຊົ້າວັນທີ 15 ກຸມພາ 2013. ອ່ານເພິ້ມ .....

3). ເມືອງຈັນທະບູລີ, ນະຄອນຫຼວງວຽງຈັນ, ໃນຕອນເຊົ້າ ວັນທີ 25 ທັນວາ 2012. ອ່ານເພິ້ມ .....

4). ເມືອງສີໂຄດຕະບອງ, ນະຄອນຫຼວງວຽງຈັນ, ໃນຕອນເຊົ້າ ວັນທີ ປີ 2012 ອ່ານເພິ້ມ .....

 

II. ພິທີມອບ-ຮັບໃບຢັ້ງຢືນໜ່ວຍພັກເຂັ້ມແຂງ-ຮູ້ນໍາພາຮອບດ້ານຂອງໜ່ວຍພັກກົມ ນຄຕ ສົກປີ 2011-12

ໃນຕອນແລງຂອງວັນທີ 17 ພຶດສະພາ 2013 ເວລາ 14:00 ທີ່ຜ່ານມາ, ກົມນະໂຍບາຍການຄ້າຕ່າງປະເທດ (ນຄຕ) ໄດ້ຈັດພິທີມອບ-ຮັບໃບຢັ້ງຢືນໜ່ວຍພັກເຂັ້ມແຂງ-ຮູ້ນໍາພາຮອບດ້ານ (ປີ 2011-12) ຂຶ້ນທີ່ຫ້ອງປະຊຸມສ່ອງແສງ ກະຊວງ ອຸດສາຫະກຳ ແລະ ການຄ້າ, ໂດຍໃຫ້ກຽດເຂົ້າຮ່ວມເປັນປະທານໂດຍ ສະຫາຍ ນາງ ເຂັມມະນີ ພົນເສນາ ຄະນະປະຈຳຄະນະພັກກະຊວງ, ລັດຖະມົນຕີຊ່ວຍວ່າການກະຊວງ ອຄ. ອ່ານເພິ້ມ .....

 

 

- ຂ່າວ ເພີ່ມຕື່ມ ຈາກ KPL: ກອງປະຊຸມໃຫຍ່ ຄັ້ງທີ IX

ພາຍຫຼັງ 5 ມື້ ກອງປະຊຸມໃຫຍ່ ຄັ້ງທີ IX ຂອງພັກປະຊາຊົນ ປະຕິວັດລາວ ທີ່ດຳເນີນໄປຢ່າງປະຊາທິປະໄຕ ແລະ ຄວາມຮັບຜິດຊອບສູງ ຕໍ່ພັກ ແລະ ປະຊາຊົນ, ໃນຕອນແລງວັນທີ 21 ມີນາ 2011, ກອງປະຊຸມໃຫຍ່ ດັ່ງກ່າວ ໄດ້ສຳເລັດລົງດ້ວຍຜົນອັນຈົບງາມ.

ໃນພິທີປິດກອງປະຊຸມ, ສະຫາຍ ບຸນຍັງ ວໍລະຈິດ, ກຳມະການກົມການເມືອງສູນກາງພັກ, ຮອງປທານປະເທດ ສປປ ລາວ ໄດ້ລາຍງານ ຜົນຂອງການເລືອກຕັ້ງຄະນະບໍລິຫານງານສູນກາງພັກປະຊາຊົນປະຕິວັດ ລາວ ສະໄໝທີ IX ໃນຕອນບ່າຍວັນທີ 20 ມີນາ ລວມມີ 61 ສະຫາຍ ແລະ ກອງປະຊຸມຄັ້ງປະຖົມມະລືກຂອງຄະນະບໍລິຫານງານສູນກາງພັກສະໄຫມທີ IX ໃນຕອນເຊົ້າວັນທີ 21 ມີນາ 2011 ໄດ້ ເລືອກຕັ້ງກຳມະການກົມການເມືອງ 11 ສະຫາຍ, ຄະນະເລຂາທິການສູນກາງພັກ 9 ສະຫາຍ;  ຄະນະກວດກາສູນກາງພັກຈຳນວນ 7 ສະ ຫາຍ ແລະ ກອງປະຊຸມຄັ້ງປະຖົມມະລືກດັ່ງກ່າວໄດ້ເປັນເອກະສັນເລືອກຕັ້ງສະຫາຍ ຈູມມາລີ ໄຊຍະສອນ ເປັນເລຂາທິການໃຫຍ່ຄະນະ ບໍລິຫານງານສູນກາງພັກປະຊາຊົນປະຕິວັດ ລາວ ອີກສະໄໝໜຶ່ງ.
ຊາວນະຄອນຫຼວງວຽງຈັນຕາງໜ້າໃຫ້ປະຊາຊົນລາວບັນດາເຜົ່າໃນທົ່ວປະເທດສະແດງຄວາມຍິນດີຕໍ່ຜົນສຳເລັດ
ຂອງກອງປະຊຸມໃຫຍ່ຄັ້ງທີ IX ຂອງ ພັກປະຊາຊົນ ປະຕິວັດ ລາວ

ຊາວນະຄອນຫຼວງ ວຽງຈັນ ຕາງໜ້າໃຫ້ປະຊາຊົນລາວບັນດາເຜົ່າໃນທົ່ວປະເທດ ສະແດງຄວາມຍິນດີຕໍ່ຜົນສຳເລັດ ຂອງກອງປະຊຸມໃຫຍ່ຄັ້ງທີ IX ຂອງ ພັກປະຊາຊົນ ປະຕິວັດ ລາວ

ຈາກນັ້ນ ສະຫາຍ ສົມສະຫວາດ ເລັ່ງສະຫວັດ, ກຳມະການກົມການເມືອງສູນກາງພັກ, ຮອງນາຍົກ ລັດຖະມົນຕີຜູ້ປະຈຳການລັດຖະບານ ຕາງໜ້າຄະນະປະທານ, ຂຶ້ນຜ່ານມະຕິກອງປະຊຸມໃຫຍ່ຄັ້ງສຳຄັນດັ່ງກ່າວ, ໂດຍໄດ້ຍົກໃຫ້ເຫັນວ່າ:  ກອງປະຊຸມໃຫຍ່ໄດ້ເປັນເອກະພາບຕໍ່ ການສະຫຼຸບ, ຕີລາຄາຜົນສຳເລັດໃນວຽກງານຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ VIII ຜ່ານມາ, ໂດຍສະເພາະແມ່ນຜົນສຳເລັດອັນ ພົ້ນເດັ່ນຕ່າງໆ ໃນຂົງເຂດວຽກງານປ້ອງກັນຊາດ - ປ້ອງກັນຄວາມສະຫງົບ; ການພັດທະນາເສດຖະກິດ - ສັງຄົມ ແລະ ການປັບປຸງ, ບູລະນະ ລະບົບອຳນາດການປົກຄອງລັດ; ວຽກງານແນວໂຮມ ແລະ ອົງການຈັດຕັ້ງມະຫາຊົນ; ວຽກງານພົວພັນຕ່າງປະເທດ ແລະ ການເຊື່ອມໂຍງ ເຂົ້າສູ່ສາກົນ; ວຽກງານກໍ່ສ້າງພັກ - ພະນັກງານ. ບັນດາຜົນສຳເລັດທີ່ບັນລຸໄດ້ໃນ 5 ປີ ຜ່ານມາໄດ້ສ້າງພື້ນຖານ ແລະ ທ່ວງທ່າໃໝ່ໃຫ້ແກ່ ການສືບຕໍ່ພັດທະນາປະເທດຊາດຕາມທິດທາງ ແລະ ຈຸດໝາຍທີ່ໄດ້ວາງອອກ. ກອງປະຊຸມໃຫຍ່ໄດ້ປະກອບຄວາມຄິດເຫັນອັນຕັ້ງໜ້າ,     ໄຈ້ແຍກຢ່າງເລິກເຊິ່ງບັນດາຂໍ້ຄົງຄ້າງໃນການຊີ້ນຳ, ນຳພາຂອງພັກ ອັນເປັນເງື່ອນໄຂທີ່ດີໃຫ້ແກ່ການນຳໄປຈັດຕັ້ງປະຕິບັດໜ້າທີ່ວຽກງານ ຕ່າງໆຢ່າງມີຈຸດສຸມ ແລະ ກໍມີບາງອັນ ທີ່ຍັງບໍ່ບັນລຸຄາດໝາຍຈຳນວນໜຶ່ງ, ຊຶ່ງກອງປະຊຸມໃຫຍ່ ໄດ້ເປັນເອກະສັນສະຫຼຸບຄວາມວ່າ:

ສະຫາຍເລຂາທິການໃຫຍ່ ຈູມມາລີ ໄຊຍະສອນ ຖະແຫຼງການປິດກອງປະຊຸມໃຫຍ່ ຄັ້ງທີ IX
ຂອງພັກປະຊາຊົນ ປະຕິວັດ ລາວ
ສະຫາຍ ບຸນຍັງ ວໍລະຈິດ, ກຳມະການກົມການເມືອງສູນກາງພັກ, ຮອງປະທານປະເທດ ສປປ ລາວ ໄດ້ລາຍງານຜົນຂອງການເລືອກຕັ້ງ ຄະນະກຳມະການບໍລິຫານງານສູນການພັກສະໄໝທີ IX


ຈະຕ້ອງເພີ່ມທະວີບົດບາດ ແລະ ຄວາມສາມາດການນຳພາຂອງພັກໃນທຸກຂົງເຂດວຽກງານ; ຊີ້ນຳຢ່າງໃກ້ຊິດຕິດແທດຕໍ່ການຈັດຕັ້ງປະຕິບັດ ວຽກງານຂອງຄະນະພັກທຸກຂັ້ນ ແລະ ຂະແໜງການຕ່າງໆ ໃນທົ່ວປະເທດ; ເພີ່ມທະວີການຫັນລົງກໍ່ສ້າງພື້ນຖານ, ຕິດຕາມ, ກວດກາ ແລະ ປະເມີນຜົນຢ່າງເປັນປະຈຳແຕ່ລະບາດກ້າວຂອງການຈັດຕັ້ງປະຕິບັດວຽກງານເອົາໃຈໃສ່ປັບປຸງແນວທາງການພົວພັນຕ່າງປະເທດປະກອບສ່ວນ ເສີມສ້າງສັນຕິພາບ, ເອກະລາດ, ມິດຕະພາບ ແລະ ການຮ່ວມມືທີ່ສະເໝີຕົ້ນສະເໝີປາຍ, ຕິດແໜ້ນກັບການປັບປຸງພາຍໃນໃຫ້ໝັ້ນຄົງເຂັ້ມ ແຂງ.  ບົນພື້ນຖານຜົນສຳເລັດຕ່າງໆ ທີ່ບັນລຸໄດ້ໃນ 5 ປີ ຜ່ານມາ, ກອງປະຊຸມໃຫຍ່ໄດ້ຢັ້ງຢືນເຖິງຄວາມຕັດສິນໃຈສືບຕໍ່ນຳພາປະເທດຊາດ ກ້າວຂຶ້ນຢ່າງໝັ້ນຄົງ, ປະຊາຊົນມັ່ງຄັ່ງ, ສັງຄົມມີຄວາມສາມັກຄີປອງດອງ, ເອກະພາບ, ປະຊາທິປະໄຕ, ຍຸຕິທຳ ແລະ ສີວິໄລ ຕາມຄຳຂວັນ ທີ່ວ່າ: “ເພີ່ມທະວີຄວາມສາມັກຄີເປັນປຶກແຜ່ນຂອງ ທົ່ວປວງຊົນ ລາວ ແລະ ຄວາມເປັນເອກະພາບພາຍໃນພັກ, ຍົກສູງບົດບາດ ແລະ ຄວາມສາມາດນຳພາຂອງພັກ, ສ້າງບາດກ້າວບຸກທະລຸ ໃນການຈັດຕັ້ງປະຕິບັດແນວທາງປ່ຽນແປງໃໝ່, ກໍ່ສ້າງພື້ນຖານອັນໜັກແໜ້ນ ໃຫ້ ການນຳເອົາປະເທດຊາດຫຼຸດພົ້ນອອກຈາກຄວາມດ້ອຍ ພັດທະນາໃນປີ 2020 ແລະ ສືບຕໍ່ກ້າວຂຶ້ນສູ່ຈຸດສັງຄົມນິຍົມ”. 

ນາຍົກລັດຖະມົນຕີ ທອງສິງ ທຳມະວົງ ກ່າວປາໄສ
ໃນກອງປະຊຸໃຫຍ່ຄັ້ງທີ IX


ສະຫາຍເລຂາທິການໃຫຍ່ ຈູມມາລີ ໄຊຍະສອນ ມອບຊໍ່ດອກໄມ້ໃຫ້ສະຫາຍ ສະໝານ ວິຍະເກດ, ອະດີດກຳມະການ ກົມການເມືອງສູນກາງພັກ, ຫົວໜ້າຄະນະຊີ້ນຳວຽກງານ
ແນວ ຄິດທິດສະດີ ແລະ ວັດທະນະທຳສູນກາງພັກ

ກອງປະຊຸມໃຫຍ່ໄດ້ຜ່ານທິດທາງ ແລະ ລະດັບຄາດໝາຍໃຫຍ່ທີ່ສຳຄັນຈຳນວນໜຶ່ງເຊັ່ນ: ສູ້ຊົນປະຕິບັດແຕ່ນີ້ ຫາປີ 2015: ຮັບ ປະກັນ ສະຖຽນລະພາບການເມືອງ; ເສດຖະກິດຂະຫຍາຍຕົວຕໍ່ເນື່ອງ ແລະ ໝັ້ນທ່ຽງ; ຮອດປີ 2015 ເຮັດໃຫ້ຄອບຄົວທຸກຍາກຍັງເຫຼືອ ບໍ່ຮອດ 10% ຂອງຈຳນວນຄອບຄົວໃນທົ່ວປະເທດ; ສປປ ລາວ ມີເພື່ອນມິດສາກົນຢ່າງກວ້າງຂວາງ, ມີຄວາມສາມາດເຂົ້າຮ່ວມໃນ ຂະບວນວິວັດແຫ່ງການເຊື່ອມໂຍງພາກພຶ້ນ ແລະ ສາກົນ. ກອງປະຊຸມໃຫຍ່ເຫັນເປັນເອກະພາບກັນວ່າ: ບັນດາຄາດໝາຍທີ່ໄດ້ຮັບຮອງ ເອົານັ້ນແມ່ນສິ່ງຈຳເປັນພາວະວິໃສທີ່ຕ້ອງສູ້ຊົນປະຕິບັດໃຫ້ໄດ້ເພື່ອສ້າງພື້ນຖານໃຫ້ແກ່ການຫຼຸດພົ້ນອອກຈາກຄວາມດ້ອຍພັດທະນາໃນປີ 2020, ຫັນການນຳພາປະເທດໄປຕາມທິດເປັນອຸດສາຫະກຳ - ທັນສະໄໝ ແລະ ມີຄວາມໝັ້ນຄົງຍືນຍົງ ແລະ ກອງປະຊຸມໃຫຍ່ຍັງໄດ້ເປັນ ເອກະພາບຮັບຮອງເອົາໜ້າທີ່ ແລະ ທິດທາງວຽກງານຈຸດສຸມຈຳນວນໜຶ່ງໃນ 5 ປີຕໍ່ໜ້າ (2011-2015) ດັ່ງນີ້: ໃນບັນດາຂົງເຂດວຽກງານ ເສດຖະກິດ, ວັດທະນະທຳ-ສັງຄົມ ແລະ ເສີມຂະຫຍາຍບົດບາດຂອງລະບົບອົງການອຳນາດແຫ່ງລັດໃຫ້ສູງຂຶ້ນ, ເພີ່ມທະວີວຽກງານແນວໂຮມ ຂອງພັກ ແລະ ບັນດາອົງການຈັດຕັ້ງມະຫາຊົນ, ປະຕິບັດແນວທາງປ້ອງກັນຊາດປ້ອງກັນຄວາມສະຫງົບທົ່ວປວງຊົນຢ່າງຮອບດ້ານ, ເປີດກວ້າງ ການພົວພັນກັບຕ່າງປະເທດ ແລະ ການຮ່ວມມືສາກົນ, ປັບປຸງກໍ່ສ້າງພັກໃຫ້ມີຄວາມປອດໃສ, ໜັກແໜ້ນ ແລະ ເຂົັ້ມແຂງ. ກອງປະຊຸມໃຫຍ່ ໄດ້ເປັນເອກະພາບຮັບຮອງເອົາມະຕິດັ່ງກ່າວຢ່າງສົມບູນ.

ບັນດາຜູ້ແທນເຂົ້າຮ່ວມກອງປະຊຸມໃຫຍ່

ໃນສູນທອນພົດກ່າວປິດປະຊຸມໃຫຍ່ຂອງສະຫາຍ ຈູມມາລີ ໄຊຍະສອນ ໄດ້ຊີ້ວ່າ: ນີ້ແມ່ນກອງປະຊຸມໃຫຍ່ແຫ່ງຜົນສຳເລັດອັນສະ ຫງ່າງາມ, ແມ່ນກອງປະຊຸມໃຫຍ່ແຫ່ງໄຊຊະນະ ແລະ ຄວາມສາມັກຄີເປັນເອກະພາບໃນລະດັບສູງ, ແມ່ນກອງປະຊຸມໃຫຍ່ແຫ່ງມານະຈິດ ປະຕິວັດແລະຄວາມເຊື່ອໝັ້ນອັນໜັກແໜ້ນຂອງພັກເຮົາທີ່ຈະນຳພາປະເທດຊາດອັນແສນຮັກກ້າວສູ່ຂີດໝາຍໃໝ່ແຫ່ງການພັດທະນາ. ຜົນ ສຳເລັດຂອງປະຊຸມໃຫຍ່ຄັ້ງທີ IX ໄດ້ຢັ້ງຢືນໃຫ້ເຫັນແຈ້ງເຖິງການເຕີບໃຫຍ່ຂະຫຍາຍຕົວຂອງພັກເຮົານັບທັງດ້ານການເມືອງ, ແນວຄິດ ແລະ ການຈັດຕັ້ງ. ລາຍງານການເມືອງກໍຄືມະຕິກອງປະຊຸມໃຫຍ່ໄດ້ຮັບຮອງເອົາໂຄງການສຳຄັນຂອງພັກສຳລັບຊຸມປີຕໍ່ໜ້າ. ມັນແມ່ນການສືບຕໍ່ ເສີມຂະຫຍາຍແນວທາງປ່ຽນແປງໃໝ່ຮອບດ້ານ ແລະ ມີຫຼັກການທີ່ໄດ້ຮັບການຈັດຕັ້ງປະຕິບັດຢ່າງມີຜົນສຳເລັດມາແລ້ວເກືອບ 30 ປີ ຜ່ານ ມາ.
ມະຕິກອງປະຊຸມໃຫຍ່ຄັ້ງທີ IX ແມ່ນແນວທາງປ່ຽນແປງໃໝ່ທີ່ໄດ້ຮັບການປັບປຸງບູລະນະໂດຍສອດຄ່ອງກັບສະພາບແວດລ້ອມພາຍນອກ ກໍຄືສະພາບຄວາມເປັນຈິງຂອງປະເທດຊາດພວກເຮົາໃນໄລຍະໃໝ່. ເນື້ອໃນສຳຄັນໃນມະຕິກອງປະຊຸມໃຫຍ່ແມ່ນຈິດໃຈປະຕິວັດບຸກ, ແມ່ນ ຄວາມຕັດສິນໃຈສ້າງບາດກ້າວບຸກທະລຸ, ແມ່ນຄວາມເດັດດ່ຽວແກ້ໄຂຄວາມທຸກຍາກຂອງປະຊາຊົນໃຫ້ໄດ້ໂດຍພື້ນຖານໃນປີ 2015 ແລະ ນຳປະເທດຊາດຫຼຸດພົ້ນຈາກຄວາມດ້ອຍພັດທະນາໃນປີ 2020, ສ້າງພື້ນຖານອັນໜັກແໜ້ນເພື່ອສືບຕໍ່ກ້າວຂຶ້ນສູ່ຈຸດໝາຍສັງຄົມນິຍົມ. ນີ້ທັງ ເປັນພາລະກຳທີ່ທ້າທາຍ ແລະ ມີກຽດສະຫງ່າ, ທັງເປັນຄວາມໝັ້ນໝາຍອັນເດັດດ່ຽວໜຽວແໜ້ນຂອງພັກເຮົາ.

 

 

 

ຂ່າວສານ ຈາກ KPL

 

 

 

 

Last Updated ( Friday, 20 September 2013 14:41 )  
You are here: Home News & Activity