Foreign Trade Policy Department

    Lao (ພາສາລາວ)English

Main Menu

GATS Enquiry Point

WTO & AEC Center

Who's Online

We have 62 guests online

Visitor Counter

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday223
mod_vvisit_counterYesterday1252
mod_vvisit_counterThis week5198
mod_vvisit_counterLast week7548
mod_vvisit_counterThis month20646
mod_vvisit_counterLast month32845
mod_vvisit_counterAll days1249910

IX Party Congress Slogan1

E-mail Print PDF

IX Party Congress Slogan

ຄວາມໝາຍຂອງຄຳຂວັນ ກອງປະຊຸມໃຫຍ່ຄັ້ງທີ IX ຂອງພັກເຮົາ

ຄຳ​ຂວັນ​ຂອງ​ກອງ​ປະ­ຊຸມ​ໃຫຍ່ ຄັ້ງ​ທີ IX

ເພີ່ມ​ທະ­ວີ​ຄວາມ​ສາ­ມັກ­ຄີ​ເປັນ​ປຶກ​ແຜ່ນ​ຂອງ​ທົ່ວ​ປວງ​ຊົນ​ລາວ ແລະ ຄວາມ​ເປັນ​ເອ­ກະ​ພາບ​ພາຍ​ໃນ​ພັກ ເຊີດ​ຊູ​ບົດ­ບາດ ແລະ ຄວາມ​ສາ­ມາດ​ນຳ­ພາ​ຂອງ​ພັກ ສ້າງ​ບາດ­ກ້າວ​ບຸກ​ທະ­ລຸ​ໃນ​ການ­ຈັດ­ຕັ້ງ​ປະ­ຕິ­ບັດ​ແນວ­ທາງ​ປ່ຽນ­ແປງ​ໃໝ່ ສ້າງ​ພື້ນ­ຖານ​ອັນ​ໜັກ​ແໜ້ນ ໃຫ້­ການ​ນຳ​ເອົາ​ປະ­ເທດ​ເຮົາ​ຫຼຸດ​ພົ້ນ​ອອກ​ຈາກ​ຄວາມ​ດ້ອຍ​ພັດ­ທະ­ນາ ໃນ​ປີ 2020 ສືບ­ຕໍ່​ກ້າວ​ຂຶ້ນ​ສູ່​ຈຸດ­ໝາຍ​ສັງ­ຄົມ​ນິ­ຍົມ.

ຄຳ​ຂວັນ​ດັ່ງ­ກ່າວ​ມີ​ຄວາມ​ໝາຍ​ສຳ­ຄັນ​ດັ່ງ­ນີ້:

ກອງ​ປະ­ຊຸມ​ໃຫຍ່ ແມ່ນ​ອົງ­ການ​ນຳ­ພາ​ສູງ​ສຸດ​ຂອງ​ພັກ​ເຮົາ ກອງ​ປະ­ຊຸມ​ໃຫຍ່​ແຕ່​ລະ​ຄັ້ງ ລ້ວນ​ແຕ່​ມີ​ຄຳ​ຂວັນ​ເພື່ອ​ບົ່ງ​ບອກ​ເຈດ​ຈຳ­ນົງ​ຂອງ​ພັກ ກໍ​ຄື​ຄວາມ​ມຸ່ງ​ມາດ​ປາ­ຖະ­ໜາ​ຂອງ​ປະ­ຊາ­ຊົນ ພ້ອມ​ກັນ​ນັ້ນ ກໍ​ບົ່ງ​ບອກ​ທິດ​ທາງ​ໜ້າ­ທີ່​ອັນ​ສຳ­ຄັນ​ຕົ້ນ­ຕໍ ທີ່​ທົ່ວ​ພັກ​ທົ່ວ​ປວງ​ຊົນ​ຕ້ອງ​ໄດ້​ສຸມ​ຄວາມ​ເອົາ­ໃຈ­ໃສ່ ສຸມ​ກຳ­ລັງ​ແຮງ​ສັງ​ລວມ ຈັດ​ຕັ້ງ​ປະ­ຕິ­ບັດ​ໃນ​ໄລ­ຍະ​ໜຶ່ງ​ສະ­ໄໝ​ຂອງ​ກອງ​ປະ­ຊຸມ​ໃຫຍ່​ນັ້ນ ແລະ ຕໍ່ໆ​ໄປ​ໃຫ້​ສຳ­ເລັດ​ຕາມ​ວັດ­ຖຸ​ປະ­ສົງ​ທີ່​ວາງ​ໄວ້.

ຄຳ​ຂວັນ​ຂອງ​ກອງ​ປະ­ຊຸມ​ໃຫຍ່ ຄັ້ງ​ທີ IX ປະ­ກອບ​ດ້ວຍ 4 ເນື້ອ​ໃນ​ໃຫຍ່ ຄື:

+ ເນື້ອ​ໃນ​ທີ​ໝຶ່ງ: ເພີ່ມ​ທະ­ວີ​ຄວາມ​ສາ­ມັກ­ຄີ​ເປັນ​ປຶກ​ແຜ່ນ​ຂອງ​ທົ່ວ​ປວງ​ຊົນ​ລາວ ແລະ ຄວາມ​ສາ­ມັກ­ຄີ​ເປັນ​ເອ­ກະ​ພາບ​ພາຍ​ໃນ​ພັກ.

ອັນ​ນີ້​ໝາຍ​ຄວາມ​ວ່າ ພັກ​ເຮົາ​ເວົ້າ​ລວມ ກໍ​ຄື​ຄະ­ນະ​ພັກ​ແຕ່​ລະ​ຂັ້ນ​ຕ້ອງ​ເອົາ­ໃຈ­ໃສ່ ຕໍ່​ການ​ເພີ່ມ​ທະ­ວີ​ຄວາມ​ສາ­ມັກ­ຄີ​ເປັນ​ປຶກ​ແຜ່ນ​ຂອງ​ທົ່ວ​ປວງ​ຊົນ ເພາະ​ມັນ​ແມ່ນ​ປັດ​ໄຈ​ຕັດ­ສິນ​ໃນ​ການ​ຄົງ​ຕົວ ແລະ ຂະ­ຫຍາຍ­ຕົວ​ຂອງ​ຊາດ​ລາວ​ເຮົາ ພ້ອມ​ກັນ​ນັ້ນ ກໍ​ຕ້ອງ​ເພີ່ມ​ທະ­ວີ​ຄວາມ​ສາ­ມັກ­ຄີ​ເປັນ​ເອ­ກະ​ພາບ​ພາຍ​ໃນ​ພັກ ໃຫ້​ເປັນ​ແກ່ນ­ສານ​ແຫ່ງ​ຄວາມ​ສາ­ມັກ­ຄີ​ເປັນ​ປຶກ​ແຜ່ນ​ຂອງ​ທົ່ວ​ປວງ​ຊົນ​ລາວ.

+ ເນື້ອ​ໃນ​ທີ​ສອງ: ເຊີດ​ຊູ​ບົດ­ບາດ ແລະ ຄວາມ​ສາ­ມາດ​ນຳ­ພາ​ຂອງ​ພັກ:

ພັກ​ເຮົາ​ເປັນ​ພັກ​ກຳ​ອຳ­ນາດ ມີ​ຄວາມ​ຮັບ­ຜິດ­ຊອບ​ຕໍ່​ທົ່ວ​ສັງ­ຄົມ ປະ­ເທດ​ຊາດ​ຂອງ​ພວກ​ເຮົາ​ຈະ​ຄົງ​ຕົວ ແລະ ຂະ­ຫຍາຍ­ຕົວ​ເປັນ​ປະ­ເທດ​ທີ່​ມັ່ງ​ຄັ່ງ​ເຂັ້ມ­ແຂງ ປະ­ຊາ­ຊົນ​ຮັ່ງ­ມີ​ຜາ​ສຸກ​ໄດ້ ຫຼື ບໍ່​ນັ້ນ ແມ່ນ​ຂຶ້ນ​ກັບ​ຄວາມ​ສາ­ມາດ​ນຳ­ພາ​ຂອງ​ພັກ​ເຮົາ ສະ­ນັ້ນ ຈຶ່ງ​ມີ​ຄວາມ​ຈຳ­ເປັນ​ເຊີດ​ຊູ​ຄວາມ​ສາ­ມາດ​ນຳ­ພາ​ຂອງ​ພັກ​ໃຫ້​ສູງ​ຂຶ້ນ ສົມ​ຄູ່​ກັບ​ພາ­ລະ​ກຳ​ປະ­ຫວັດ­ສາດ​ໃນ​ໄລ­ຍະ​ໃໝ່ ເພື່ອ​ຮັກ­ສາ​ບົດ­ບາດ​ເປັນ​ພັກ​ກຳ​ອຳ­ນາດ​ຢ່າງ​ໝັ້ນ­ຄົງ​ຕໍ່ໆ​ໄປ.

+ ເນື້ອ​ໃນ​ທີ​ສາມ: ສ້າງ​ບາດ­ກ້າວ​ບຸກ​ທະ­ລຸ ໃນ​ການ­ຈັດ­ຕັ້ງ​ປະ­ຕິ­ບັດ​ແນວ­ທາງ​ປ່ຽນ­ແປງ​ໃໝ່ ສ້າງ​ພື້ນ­ຖານ​ອັນ​ໜັກ​ແໜ້ນ ໃຫ້­ການ​ນຳ​ເອົາ​ປະ­ເທດ​ເຮົາ ຫຼຸດ​ພົ້ນ​ຈາກ​ຄວາມ​ດ້ອຍ​ພັດ­ທະ­ນາ ໃນ​ປີ 2020.

ແນວ­ທາງ​ປ່ຽນ­ແປງ​ໃໝ່ ໄດ້​ພິ­ສູດ​ຄວາມ​ຖືກ­ຕ້ອງ​ໃນ​ພຶດ­ຕິ​ກຳ​ແຫ່ງ​ການ­ຈັດ­ຕັ້ງ​ປະ­ຕິ­ບັດ​ມາ​ກ່ວ​າ 20 ປີ ແຕ່​ມາ​ເຖິງ​ປັດ­ຈຸ­ບັນ​ນີ້ ຍັງ​ເຫັນ​ວ່າ​ມີ​ສິ່ງ​ກີດ­ຂວາງ​ກົດ​ໜ່ວງ ອັດ​ຕັນ​ການ​ພັດ­ທະ­ນາ ຕາມ​ແນວ­ທາງ​ປ່ຽນ­ແປງ​ໃໝ່​ຢູ່​ບໍ່​ໜ້ອຍ ສະ­ນັ້ນ ຕ້ອງ​ສ້າງ​ບາດ­ກ້າວ​ບຸກ​ທະ­ລຸ​ຕື່ມ​ອີກ ໃນ​ການ­ຈັດ­ຕັ້ງ​ປະ­ຕິ­ບັດ​ແນວ­ທາງ​ປ່ຽນ­ແປງ​ໃໝ່ ໃຫ້​ມີ​ຜົນ­ສຳ­ເລັດ​ອັນ​ເດັ່ນ​ຊັດ ເພື່ອ​ເປັນ​ພື້ນ­ຖານ​ໃຫ້​ແກ່​ການ​ນຳ​ເອົາ​ປະ­ເທດ​ອອກ​ຈາກ​ຄວາມ​ດ້ອຍ​ພັດ­ທະ­ນາ​ໃຫ້​ໄດ້ ໃນ​ປີ 2020.

+ ເນື້ອ​ໃນ​ທີ​ສີ່: ສືບ­ຕໍ່​ກ້າວ​ຂຶ້ນ​ສູ່​ຈຸດ­ໝາຍ​ສັງ­ຄົມ​ນິ­ຍົມ.

ສັງ­ຄົມ​ນິ­ຍົມ ແມ່ນ​ອຸ­ດົມ​ການ​ຂອງ​ພັກ​ເຮົາ ສະ­ນັ້ນ ກອງ​ປະ­ຊຸມ​ໃຫຍ່​ແຕ່​ລະ​ຄັ້ງ​ທີ່​ຜ່ານ​ມາ ກໍ​ຄື​ກອງ​ປະ­ຊຸມ​ໃຫຍ່​ຄັ້ງ​ທີ IX ຈຶ່ງ​ຢືນ­ຢັນ​ຄວາມ​ຕັດ­ສິນ​ໃຈ​ຢຶດ​ໝັ້ນ​ໃນ​ອຸ­ດົມ​ການ​ດັ່ງ­ກ່າວ ອັນ​ນີ້ ທັງ​ເປັນ​ການ­ສະ­ແດງ​ອອກ​ເຖິງ​ມາ­ນະ​ຈິດ ກໍ​ຄື​ຄວາມ​ຈົງ​ຮັກ​ພັກ­ດີ​ຕໍ່​ອຸ­ດົມ​ການ​ອັນ​ສູງ​ສົ່ງ ທີ່​ພັກ​ເຮົາ​ໄດ້​ຢຶດ​ຖື​ມາ​ຕັ້ງ­ແຕ່​ມື້​ທຳ​ອິດ​ຂອງ​ການ​ສ້າງ­ຕັ້ງ​ພັກ ຈະ​ແມ່ນ​ເວ­ລາ​ໃດ ໃນ​ສະ­ພາ­ວະ​ການ ແລະ ເງື່ອນ­ໄຂ​ຄື​ແນວ­ໃດ ພັກ​ເຮົາ​ກໍ​ຕ້ອງ​ສູ້​ຊົນ​ບຸກ​ບືນ​ນຳ­ພາ​ທົ່ວ​ປວງ​ຊົນ​ລາວ ສ້າງ­ສາ​ປະ­ເທດ​ຊາດ​ໃຫ້​ບັນ­ລຸ​ອຸ­ດົມ​ການ​ດັ່ງ­ກ່າວ​ນັ້ນ​ເປັນ​ກ້າວໆ

 

 

Source from: Vientianemai News

 

Last Updated ( Friday, 20 September 2013 11:36 )  
You are here: Home IX Party Congress IX Party Congress Slogan