Foreign Trade Policy Department

    Lao (ພາສາລາວ)English

Main Menu

GATS Enquiry Point

WTO & AEC Center

Who's Online

We have 34 guests online

Visitor Counter

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday335
mod_vvisit_counterYesterday1104
mod_vvisit_counterThis week3748
mod_vvisit_counterLast week8182
mod_vvisit_counterThis month29274
mod_vvisit_counterLast month26890
mod_vvisit_counterAll days1069505

13th AEM – India Consultations

E-mail Print PDF

ກອງປະຊຸມລັດຖະມົນຕີເສດຖະກິດອາຊຽນ ກັບ ອິນເດຍ ຄັ້ງ​ທີ 13

ໃນ​ວັນ​ທີ 06 ສິງຫາ 2016 ຕອນ​​ເຊົ້າ ທີ່ ​ໂຮ​ງ​ແຮມ​ດອນຈັນ​ພາ​ເລດ, ໄດ້​ມີ​ການ​ສືບຕໍ່ ​ການ​ດຳ​ເນີນ​​ກອງປະຊຸມລັດ​ຖະມົນຕີ​ເສ​ດຖະກິດ​ອາ​ຊຽນ ຄັ້ງທີ 48 ​ແລະ ກອງ​ປະຊຸມ​ອື່ນຯ ທີ່​ກ່ຽວຂ້ອງ; ຊຶ່ງ​ໃນ​ພາກ​​ເຊົ້ານີ້​ແມ່ນ​ໄດ້​ໄຂ​ກອງປະຊຸມປຶກສາຫາລື ລະຫວ່າງ ລັດຖະມົນຕີເສດຖະກີດອາຊຽນ ກັບ ອິນເດຍ ຄັ້ງທີ 13 (13th AEM – India Consultations) ຂຶ້ນພາຍໃຕ້ການເປັນປະທານຮ່ວມ ຂອງ ​ທ່ານ ນາງ ເຂັມມະນີ ພົນເສນາ, ລັດຖະມົນຕີ ກະຊວງອຸດສາຫະກຳ ແລະ ການຄ້າ ທັງເປັນລັດຖະມົນຕີເສດຖະກິດອາຊຽນ ຂອງ ສປປ ລາວ ແລະ ທ່ານ ​ເນີ​ມາລາ ສິດທາ​ຣາມັນ, ລັດຖະມົນຕີ​ວ່າການ​ກະຊວງ​ການ​ຄ້າ ​ແລະ ອຸດສາຫະກຳ ຂອງ​​ອິນ​ເດຍ. ຈຸດປະສົງຂອງກອງປະຊຸມດັ່ງກ່າວແມ່ນ ເພື່ອສືບ​ຕໍ່​ຜົນ​ຂອງ​ການປືກສາ​ຫາລືຮ່ວມ​ກັນ​ໃນ​ກອງ​ປະຊຸມ​ຄັ້ງ​ທີ່​ຜ່ານ​ມາ ​ໂດຍ​ແນ​ໃສ່​ເສີມ​ຂະຫຍາຍ​ການ​ຮ່ວມ​ມື​ດ້ານ​​​ເສດ​ຖຸະກິດ​ການ​ຄ້າ ​ແລະ ການ​ລົງທຶນ ​ນຳກັນ​ໃຫ້ນັບມື້ນັບຫລາຍ​ຂຶ້ນ.

 

ເວົ້າລວມແລ້ວ, ກອງປະຊຸມຄັ້ງນີ້ແມ່ນໄດ້ດຳເນີນໄປດ້ວຍຜົນສຳເລັດຕາມຄາດໝາຍເປັນຢ່າງດີ ຊຶ່ງໃນນັ້ນ ໄດ້ເຫັນດີນຳກັນຫລາຍປະເດັນດັ່ງນີ້:

1. ອິນ​ເດຍ​ໄດ້​ກ່າວ​ວ່າການສ້າງ​ປະຊາ​ຄົມ​ເສ​ດຖະກິດ​ອາ​ຊຽນ ຫຼື AEC ​ໃນ​ປີ 2015​ ​ເປັນ​ບາດກ້າວ​ສຳຄັນ​ໃນ​ການ​ເຊື່ອມ​ໂຍງ​ເສດຖະກິດ​​ໃນ​ພາກ​ພື້ນ. ​ໃນ​ນີ້, ອິນ​ເດຍ ຍັງ​ໄດ້​ສະ​ແດງ​ຄວາມ​ຍິນ​ດີ​ຕໍ່ອາຊຽນ ທີ່ມີ​ແຜນ​ແມ່​ບົດ​ສະບັບ  ​​ໃໝ່ສຳລັບປີ 2025 ຊຶ່ງ​ແຜນ​ດັ່ງກ່າວ​ໄດ້​ເລັງ​ເຫັນການ​ສ້າງ​ປະຊາ​ຄົມ​ເສດຖະກິດ​ອາຊຽນ​ ໃຫ້​​ເຊື່ອມ​ໂຍງ​​ເປັນ​ໜຶ່ງ​ດຽວ; ມີ​ການ​ແຂ່ງຂັນ, ມີ​ຫົວຄິດ​ປະ​ດິດສ້າງ ​ແລະ ມີ​ຄວາມ​ຫຼາກ​ຫຼາຍ; ​ໂດຍ​ມີການ​​ເສີມ​ຂະຫຍາ​ຍການ​ເຊື່ອມຕໍ່ ​ແລະ ການ​ຮ່ວມ​ມື​ຂອງ​ຂະ​ແໜງ​ການ; ມີ​ການ​ປັບ​ຕົວ​ໄວ, ​ເປັນ​ເອກະລັກ, ມີ​ລັກສະ​ນະມະ​ຫາ​ຊົນ ​ແລະ ​ລວມສູນ; ​ພ້ອມ​ທັງ​ມີ​ການ​ເຊື່ອມ​ໂຍງ​ກັບ​ເສດຖະກິດ​ໂລກ.

2. ບັນດາ​ລັດຖະມົນຕີ​​ເຫັນ​ໄດ້​ເຖິງ​ຜົນປະ​​​ໂຫຍ​ດ​ຂອງ​ການ​ຮ່ວມ​ມື​ສອງ​ຝ່າຍ​ລະຫວ່າງ​ອາ​ຊຽນ ​ແລະ ອິນ​ເດຍ ​ໃນ​ຂົງ​ເຂດ​ການ​ຄ້າ ​ແລະ ການ​ລົງທຶນ ສຳລັບ​ປີ 2015. ມູນ​ຄ່າ​ການ​ຄ້າ​ດ້ານ​ສິນຄ້າ​ທັງ​ໝົດ​ລະຫວ່າງ ສອງ​ປະ​ເທດ​ໄດ້​ເພີ່ມ​ຂຶ້ນ​ເປັນ 58.7 ຕື້ ​ໂດ​ລາ,​ ຄິດ​ໄລ່​ເປັນ 2.6 ​ເປີ​ເຊັນ ​ຂອງ​ມູນ​ຄ່າ​ການ​ຄ້າ​ທັງ​ໝົດ​ຂອງອາ​ຊຽນ ​ແລະ ​ເຮັດ​ໃຫ້​ ອິນ​ເດຍ​ຈັດເປັນ​ຄູ່​​ຄ້າ​ທີ່​ໃຫຍ່​ທີ່​ສຸດ​ອັນ​ດັບ​ທີ 6 ຂອງ​ອາຊຽນ. ການ​ລົງທຶນ​ໂດຍ​ກົງ​ຂອງ​ຕ່າງປະ​ເທດທີ່​ມີ​ເງິນ​ລົງທຶນ​ຈາກ ອິນ​ເດຍ ​ໃນ​ຕະຫຼາດ​ອາຊຽນ ມີ​ມູນ​ຄ່າ 1.3 ຕື້ ​ໂດ​ລາ ​​ແລະ ​ເຮັດ​ໃຫ້ອິນ​ເດຍ​ເປັນ​ແຫຼ່ງ​ລົງທຶນ​ໂດຍ​ກົງ​ຈາກ​ຕ່າງປະ​ເທດທີ່​ໃຫຍ່​ທີ່​ສຸດ​ອັນ​ດັບ​ທີ 8 ຂອງ​ອາ​ຊຽນ.

3. ບັນດາ​ລັດຖະມົນຕີ ​ໄດ້​​ເນັ້ນ​ຄືນ​ຄວາມ​ສຳຄັນ​ຂອງ​ການຈັດ​ຕັ້ງ​ປະຕິບັດ​ສັນຍາ​ການ​ຄ້າດ້ານ​ການ​ບໍລິການ ​ແລະ ການ​ລົງທຶນ​ໃນ​ຂອບ​ອາຊຽນ-ອິນ​ເດຍ ​ເພື່ອ​ປະກອບສ່ວນ​ເຂົ້າ​ໃນ​ການ​ເສີ​ມຂະຫຍາຍ​ສາຍ​ພົວພັນດ້ານ​ຄູ່​ຮ່ວມ​ຍຸດ​ທະ​ສາດ​ອາ​ຊຽນ-ອິນ​ເດຍ. ຕິດ​ພັນ​ກັບ​ບັນຫາ​ນີ້, ບັນດາ​ລັດຖະມົນຕີ ​ໄດ້​ໃຫ້​ທັດສະນະ​ທີ່​​ເປັນ​ຄວາມ​ຫວັງ​ວ່າ ບັນດາ​ຄູ່​ຮ່ວມ​ສັນຍາ​ຈະ​ສາມາດ​ໃຫ້​ສັດຕະຍາບັນ​ແກ່​​ສັນຍາ​ເຫຼົ່າ​ນີ້.

4. ບັນດາ​ລັດຖະມົນຕີ​ໄດ້​ສະ​ແດງ​ຄວາມ​ຍິນ​ດີ​ຕໍ່​ກັບ​ຄວາມ​ຄືບ​ໜ້າ​ໃນ​ການ​ທົບ​ທວນ​ສັນຍາ​ການ​ຄ້າ​ດ້ານ​ສິນຄ້າ​ໃນ​ຂອບ​ອາຊຽນ-ອິນ​ເດຍ ​ໂດຍ​ອີງ​ໃສ່​ຂອບ​ເຂດ​ການທົບ​ທວນຄືນ​ສັນຍາ ຊຶ່ງ​ໄດ້​ຮັບຮອງ​ໃນ​ກອງ​ປະຊຸມ​ປຶກສາ​ຫາລື​ລະຫວ່າງ​ລັດຖະມົນຕີ​ອາ​ຊຽນ ​ແລະ ອິນ​ເດຍທີ່​ຈັດ​ຂຶ້ນ​ໃນ​ເດືອນສິງຫາ 2015 ທີ່ກູ​ລາ​ລຳ​​ເປີ, ມາ​ເລ​ເຊຍ. ບັນດາລັດຖະມົນຕີ ​ໄດ້​ເນັ້ນ​ໜັກ​ເຖິງ​ຄວາມ​ສຳຄັນ​ຂອງ​ການ​ທົບ​ທວນຄືນ​ສັນຍາ​ເພື່ອ​ຮັບປະກັນ​ວ່າ​ສັນຍາ​ການ​ຄ້າ​ດ້ານ​ສິນຄ້າ ຈະ​ກໍ່​ໃຫ້​ເກີດ​ການ​ອຳນວຍ​ຄວາມ​ສະດວກ​ດ້ານ​ການ​ຄ້າ ​ແລະ ​ແທດ​ເໝາະ​ກັບສະ​ພາບ​ການ​ຄ້າ​ໂລກ​ໃນ​ປະຈຸ​ບັນ. ບັນດາ​ລັດຖະມົນຕີ ມີ​ຄວາມ​ໝັ້ນ​ໃຈ​ວ່າ ການ​ທົບ​ທວນ​ສັນຍາ​ໃນ​ຄັ້ງ​ນີ້ ຈະ​ສາມາດ​ແກ້​ໄຂ​ບັນຫາ​ການຈັດ​ຕັ້ງປະຕິບັດ ​ແລະ ສືບ​ຕໍ່​​ເປີດ​ເສລີ​ດ້ານ​ອັດຕາ​ພາສີ ຊຶ່ງ​ຈະ​ຊ່ວຍ​ເພີ່ມ​ທະວີ​ການ​ຄ້າ​ລະຫວ່າງ​ອາ​ຊຽນ-ອິນ​ເດຍ ​ໃຫ້​ເຕີບ​ໃຫຍ່ ​ຕາມ​ເປົ້າ​ໝາຍ​ທີ່ບັນດາຜູ້ນຳ​ທັງ​ສອງ​ ​ໄດ້ກຳນົດ​ໄວ້​ໃນ​ປີ 2012 ​ເພື່ອ​ໃຫ້​ມູນ​ຄ່າ​ທາງ​ການ​ຄ້າ​ທັງ​ໝົດ ສາມາດ​ເພີ່ມ​ຂຶ້ນ​ເປັນ 100 ຕື້ ​ໂດ​ລາ.

5. ບັນດາ​ລັດຖະມົນຕີ​ຮັບ​ຊາບ ​ແລະ ສະ​ແດງ​ຄວາມ​ດີ​ໃຈ ​ທີ່​ເຫັນ​ກິດຈະກຳ​ທາງ​ການ​ຄ້າ​ຂອງ​ສະມາຄົມ​ທຸລະ​ກິດ​ອາ​ຊຽນ-ອິນ​ເດຍ ມີ​ການ​ເພີ່ມຂຶ້ນ​ໃນ​ປີ​ທີ່​ຜ່ານ​ມາ. ບັນດາ​ລັດ​ຖະມົນຕີ​ມີ​ຄວາມ​ຍິນ​ດີ​ຕໍ່​ຜົນສຳ​ເລັດ​ຂອງ​ກອງ​ປະຊຸມ​ສະມາຄົມ​ທຸລະ​ກິດ​ອາ​ຊຽນ-ອິນ​ເດຍ ຄັ້ງທີ 4  ທີ່​​ໄດ້​ຈັດ​ຂຶ້ນ​ໃນ​ກອງ​ປະຊຸມ​ລັດຖະມົນຕີ​ອາ​ຊຽນ ​ແລະ ກອງ​ປະຊຸມ​ກ່ຽວຂ້ອງ ຄັ້ງ​ທີ 48 ​ໃນ​ເດືອນ​ສິງຫາ 2016 ທີ່​ນະຄອນຫຼວງ​ວຽງ​ຈັນ, ສປປ ລາວ. ບັນດາ​ລັດຖະມົນຕີ ຫວັງ​ວ່າ​ກອງ​ປະຊຸມ​ສະມາຄົມ​ທຸລະ​ກິດ​ອາ​ຊຽນ-ອິນ​ເດຍ ຈະ​ສືບ​ຕໍ່​ປະກອບສ່ວນ​ເຂົ້າ​ໃນ​ການ​ເຜີຍ​ແຜ່​ຂໍ້​ມູນ​ກ່ຽວ​ກັບ​ການ​ຄ້າ​ຂອງ​ບັນດາ​ທຸ​ລະ​ກິດ​ອາ​ຊຽນ-ອິນ​ເດຍ ​ແລະ ດຳ​ເນີນ​ໄປ​ດ້ວຍ​ບັນຫາ​ກາດ​ຟົດ​ຟື້ນ​ລະຫວ່າງ​ບັນດາ​ທຸ​ລະ​ກິດ​​ໃນ​ຂົງ​ເຂດ​ພາກ​ພື້ນ​ແຫ່ງ​ນີ້.

 


 

Last Updated ( Thursday, 18 August 2016 16:33 )  
You are here: Home News and Events News 13th AEM – India Consultations

Related Items