Foreign Trade Policy Department

    Lao (ພາສາລາວ)English

Main Menu

GATS Enquiry Point

WTO & AEC Center

Who's Online

We have 24 guests online

Visitor Counter

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday843
mod_vvisit_counterYesterday317
mod_vvisit_counterThis week843
mod_vvisit_counterLast week6089
mod_vvisit_counterThis month23204
mod_vvisit_counterLast month24397
mod_vvisit_counterAll days1035405

1st AEM-Hong Kong, China Consultations

E-mail Print PDF

ກອງປະຊຸມລັດຖະມົນຕີເສດຖະກິດອາຊຽນ ກັບ ຮົງກົງ ຄັ້ງ​ທີ 1

ໃນ​ວັນ​ທີ 06 ສິງຫາ 2016 ຕອນ​​ບ່າຍ ທີ່ ​ໂຮ​ງ​ແຮມ​ດອນຈັນ​ພາ​ເລດ, ໄດ້​ມີ​ການ​ສືບຕໍ່ ​ການ​ດຳ​ເນີນ​​ກອງປະຊຸມລັດ​ຖະມົນຕີ​ເສ​ດຖະກິດ​ອາ​ຊຽນ ຄັ້ງທີ 48 ​ແລະ ກອງ​ປະຊຸມ​ອື່ນຯ ທີ່​ກ່ຽວຂ້ອງ; ຊຶ່ງ​ໃນ​ພາກ​​ບ່າຍນີ້​ແມ່ນ​ໄດ້​ໄຂ​ກອງປະຊຸມປຶກສາຫາລື ລະຫວ່າງ ລັດຖະມົນຕີເສດຖະກີດອາຊຽນ ກັບ ຮົງກົງ ຄັ້ງທີ 1 (1st AEM-Hong Kong, China Consultations) ຂຶ້ນພາຍໃຕ້ການເປັນປະທານຮ່ວມ ຂອງ ​ທ່ານ ນາງ ເຂັມມະນີ ພົນເສນາ, ລັດຖະມົນຕີ ກະຊວງອຸດສາຫະກຳ ແລະ ການຄ້າ ທັງເປັນລັດຖະມົນຕີເສດຖະກິດອາຊຽນ ຂອງ ສປປ ລາວ ແລະ ທ່ານ ​ເກຣັກ​ໂກ​ຣີ ​ໂສ ຄຳ-​​​ເລິງ, ລັດຖະມົນຕີ​ວ່າການ​ກະຊວງ​ການ​ຄ້າ ​ແລະ ພັດທະນາ​ເສດຖະກິດ​ຂອງ​ຮົງ​ກົງ. ຈຸດປະສົງຂອງກອງປະຊຸມດັ່ງກ່າວແມ່ນ ເພື່ອສືບ​ຕໍ່​ຜົນ​ຂອງ​ການປືກສາ​ຫາລືຮ່ວມ​ກັນ​ໃນ​ກອງ​ປະຊຸມ​ຄັ້ງ​ທີ່​ຜ່ານ​ມາ ​ໂດຍ​ແນ​ໃສ່​ເສີມ​ຂະຫຍາຍ​ການ​ຮ່ວມ​ມື​ດ້ານ​​​ເສດ​ຖຸະກິດ​ການ​ຄ້າ ​ແລະ ການ​ລົງທຶນ ​ນຳກັນ​ໃຫ້ນັບມື້ນັບຫລາຍ​ຂຶ້ນ.

 

ເວົ້າລວມແລ້ວ, ກອງປະຊຸມຄັ້ງນີ້ແມ່ນໄດ້ດຳເນີນໄປດ້ວຍຜົນສຳເລັດຕາມຄາດໝາຍເປັນຢ່າງດີ ຊຶ່ງໃນນັ້ນ ໄດ້ເຫັນດີນຳກັນຫລາຍປະເດັນດັ່ງນີ້:

1. ຮົງ​ກົງໄດ້​ກ່າວ​ວ່າການສ້າງ​ປະຊາ​ຄົມ​ເສ​ດຖະກິດ​ອາ​ຊຽນ ຫຼື AEC ​ໃນ​ປີ 2015​ ​ເປັນ​ບາດກ້າວ​ສຳຄັນ​ໃນ​ການ​ເຊື່ອມ​ໂຍງ​ເສດຖະກິດ​​ໃນ​ພາກ​ພື້ນ. ​ໃນ​ນີ້, ຮົງ​ກົງ ຍັງ​ໄດ້​ສະ​ແດງ​ຄວາມ​ຍິນ​ດີ​ຕໍ່ອາຊຽນ ທີ່ມີ​ແຜນ​ແມ່​ບົດ​ສະບັບ ​​ໃໝ່ສຳລັບປີ 2025 ຊຶ່ງ​ແຜນ​ດັ່ງກ່າວ​ໄດ້​ເລັງ​ເຫັນການ​ສ້າງ​ປະຊາ​ຄົມ​ເສດຖະກິດ​ອາຊຽນ​ ໃຫ້​​ເຊື່ອມ​ໂຍງ​​ເປັນ​ໜຶ່ງ​ດຽວ; ມີ​ການ​ແຂ່ງຂັນ, ມີ​ຫົວຄິດ​ປະ​ດິດສ້າງ ​ແລະ ມີ​ຄວາມ​ຫຼາກ​ຫຼາຍ; ​ໂດຍ​ມີການ​​ເສີມ​ຂະຫຍາ​ຍການ​ເຊື່ອມຕໍ່ ​ແລະ ການ​ຮ່ວມ​ມື​ຂອງ​ຂະ​ແໜງ​ການ; ມີ​ການ​ປັບ​ຕົວ​ໄວ, ​ເປັນ​ເອກະລັກ, ມີ​ລັກສະ​ນະມະ​ຫາ​ຊົນ ​ແລະ ​ລວມສູນ; ​ພ້ອມ​ທັງ​ມີ​ການ​ເຊື່ອມ​ໂຍງ​ກັບ​ເສດຖະກິດ​ໂລກ.

2. ບັນດາ​ລັດຖະມົນຕີ​​ເຫັນ​ໄດ້​ເຖິງ​ຜົນປະ​​​ໂຫຍ​ດ​ຂອງ​ການ​ຮ່ວມ​ມື​ສອງ​ຝ່າຍ​ລະຫວ່າງ​ອາ​ຊຽນ ​ແລະ ຮົງ​ກົງ ​ໃນ​ຂົງ​ເຂດ​ການ​ຄ້າ ​ແລະ ການ​ລົງທຶນ ສຳລັບ​ປີ 2015. ອີງ​ຕາມ​ຂໍ້​ມູນ​ສະຖິຕິ​ຂອງ​ອາ​ຊຽນ, ມູນ​ຄ່າ​ການ​ຄ້າ​ດ້ານ​ສິນຄ້າ​ທັງ​ໝົດລະຫວ່າງ​ອາ​ຊຽນ ​ແລະ ຮົງ​ກົງ ​ໄດ້​ເພີ່ມ​ຂຶ້ນ​ເປັນ 91.5 ຕື້ ​ໂດ​ລາ,​ ຄິດ​ໄລ່​ເປັນ 4 ​ເປີ​ເຊັນ ​ຂອງ​ມູນ​ຄ່າ​ການ​ຄ້າ​ທັງ​ໝົດ​ຂອງອາ​ຊຽນ. ​ໃນ​ປີ 2015.

3. ບັນດາ​ລັດຖະມົນຕີ​ມີ​ຄວາມ​ຍິນ​ດີ​ຕໍ່​ກັບ​ຄວາມ​ຄືບ​ໜ້າ​ຢ່າງ​ສະໝໍ່າສະ​ເໝີ​ຂອງ​ການ​​ເຈລະຈາ​ສັນຍາ​ການ​ຄ້າ​ເສລີ​ລະຫວ່າງ​ອາ​ຊຽນ ​ແລະ ຮົງ​ກົງ; ​ແລະ ຫວັງ​ເປັນ​ຢ່າງ​ຍິ່ງ​ວ່າ​ຈະ​ສາມາດ​ສະຫຼຸ​ບການ​ເຈລະຈາ​ໃນ​ອານາ​ຄົດ​ອັນ​ໄກ້.

4. ລັດ​ຖະມົນຕີ​ຂອງ​ອາ​ຊຽນ​ໄດ້​ສະ​ແດງ​ຄວາມ​ຂອບ​ໃຈ​ມາ​ຍັງ​ຮົງ​ກົງ ທີ່​​ໄດ້​ປະກອບສ່ວນ​ຈຳນວນ 25 ລ້ານ ​ໂດ​ລາ ​ເພື່ອ​ພັດທະນາ​ການ​ໂຄງການ​ຮ່ວມ​ມື​ດ້ານວິຊາ​ການ ​ແລະ ​ເສດຖະກິດ ​ເພື່ອ​ສະໜັບສະໜູ​ນການຈັດ​ຕັ້ງ​ປະຕິບັດ​ສັນຍາ​ການ​ຄ້າ​ເສລີ​ອາ​ຊຽນ-ຮົງ​ກົງ​​ ​ໃນ​ໄລຍະ 5 ປີ ພາຍຫຼັງ​ທີ່​ສັນຍາ​ມີ​ຜົນ​ບັງຄັບ​ໃຊ້.


 

Last Updated ( Friday, 19 August 2016 15:21 )  
You are here: Home News and Events News 1st AEM-Hong Kong, China Consultations

Related Items