Foreign Trade Policy Department

    Lao (ພາສາລາວ)English

Main Menu

GATS Enquiry Point

WTO & AEC Center

Who's Online

We have 22 guests online

Visitor Counter

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday1022
mod_vvisit_counterYesterday1306
mod_vvisit_counterThis week4564
mod_vvisit_counterLast week7370
mod_vvisit_counterThis month25316
mod_vvisit_counterLast month30915
mod_vvisit_counterAll days1097468

22th AEM-METI Consultations

E-mail Print PDF

ກອງປະຊຸມລັດຖະມົນຕີເສດຖະກິດອາຊຽນ ກັບ ຍິປຸ່ນ ຄັ້ງ​ທີ 22

ໃນ​ວັນ​ທີ 06 ສິງຫາ 2016 ຕອນບ່າຍ ທີ່ ​ໂຮ​ງ​ແຮມ​ດອນຈັນ​ພາ​ເລດ, ໄດ້​ມີ​ການ​ສືບຕໍ່ ​ການ​ດຳ​ເນີນ​​ກອງປະຊຸມລັດ​ຖະມົນຕີ​ເສ​ດຖະກິດ​ອາ​ຊຽນ ຄັ້ງທີ 48 ​ແລະ ກອງ​ປະຊຸມ​ອື່ນຯ ທີ່​ກ່ຽວຂ້ອງ; ຊຶ່ງ​ໃນ​ພາກ​​ບ່າຍນີ້​ແມ່ນ​ໄດ້​ໄຂ​ກອງປະຊຸມປຶກສາຫາລື ລະຫວ່າງ ລັດຖະມົນຕີເສດຖະກີດອາຊຽນ ກັບ ຍິປຸ່ນ ຄັ້ງທີ 22 (22th AEM-METI Consultations) ຂຶ້ນພາຍໃຕ້ການເປັນປະທານຮ່ວມ ຂອງ ​ທ່ານ ນາງ ເຂັມມະນີ ພົນເສນາ, ລັດຖະມົນຕີ ກະຊວງອຸດສາຫະກຳ ແລະ ການຄ້າ ທັງເປັນລັດຖະມົນຕີເສດຖະກິດອາຊຽນ ຂອງ ສປປ ລາວ ແລະ ທ່ານ ໂມຕູ ຮາຢາຊີ, ລັດຖະມົນຕີເສດຖະກິດ, ການຄ້າ ແລະ ອຸດສາຫະກຳຂອງຍີປຸ່ນ. ຈຸດປະສົງຂອງກອງປະຊຸມດັ່ງກ່າວແມ່ນ ເພື່ອສືບ​ຕໍ່​ຜົນ​ຂອງ​ການປືກສາ​ຫາລືຮ່ວມ​ກັນ​ໃນ​ກອງ​ປະຊຸມ​ຄັ້ງ​ທີ່​ຜ່ານ​ມາ ​ໂດຍ​ແນ​ໃສ່​ເສີມ​ຂະຫຍາຍ​ການ​ຮ່ວມ​ມື​ດ້ານ​​​ເສດ​ຖຸະກິດ​ການ​ຄ້າ ​ແລະ ການ​ລົງທຶນ ​ນຳກັນ​ໃຫ້ນັບມື້ນັບຫລາຍ​ຂຶ້ນ.

 

ເວົ້າລວມແລ້ວ, ກອງປະຊຸມຄັ້ງນີ້ແມ່ນໄດ້ດຳເນີນໄປດ້ວຍຜົນສຳເລັດຕາມຄາດໝາຍເປັນຢ່າງດີ ຊຶ່ງໃນນັ້ນ ໄດ້ເຫັນດີນຳກັນຫລາຍປະເດັນດັ່ງນີ້:

1. ກອງປະຊຸມລະຫວ່າງບັນດາລັດຖະມົນຕີເສດຖະກິດຂອງ 10 ປະເທດອາຊຽນ ແລະ ລັດຖະມົນຕີເສດຖະກິດ, ການຄ້າ ແລະ ອຸດສາຫະກຳຂອງຍີປຸ່ນ ຄັ້ງທີ 22 ໄດ້ໄຂຂຶ້ນໃນວັນທີ 6 ສິງຫາ 2016 ທີ່ ນະຄອນຫຼວງວຽງຈັນ, ສປປ ລາວ. ພາຍໃຕ້ການເປັນປະທານຮ່ວມ ຂອງ ທ່ານ ນາງ ເຂັມມະນີ ພົນເສນາ, ລັດຖະມົນຕີກະຊວງອຸດສາຫະກຳ ແລະ ການຄ້າ ຂອງ ສປປ ລາວ ແລະ ທ່ານ ໂມຕູ ຮາຢາຊີ, ລັດຖະມົນຕີເສດຖະກິດ, ການຄ້າ ແລະ ອຸດສາຫະກຳຂອງຍີປຸ່ນ.

2. ຍີປຸ່ນໄດ້ໃຫ້ທັດສະນະວ່າ ການສ້າງຕັ້ງປະຊາຄົມເສດຖະກິດອາຊຽນໃນປີ 2015 ເປັນ ບາດກ້າວທີ່ສຳຄັນທີສຸດຂອງຂະບວນການເຊື່ອມໂຍງເສດຖະກິດພາຍໃນພາກພື້ນ. ຍີປຸ່ນ ສະແດງຄວາມຊົມເຊີຍຕໍ່ແຜນງານປະຊາຄົມເສດຖະກິດອາຊຽນ 2025, ເຊິ່ງໄດ້ສະແດງໃຫ້ເຫັນວ່າປະຊາຄົມເສດຖະກິດອາຊຽນພາຍໃນປີ 2025 ຈະມີລະດັບການເຊື່ອມໂຍງທີ່ສູງ ແລະ ໜຽວແໜ້ນ; ມີຄວາມສາມາດໃນການແຂ່ງຂັນສູງ, ມີຄວາມຄິດໃໝ່ໆ ແລະ ມີການປ່ຽນແປງຢູ່ສະເໜີ; ໂດຍສົ່ງເສີມໃຫ້ມີການເຊື່ອມຈອດເຊິ່ງກັນແລະກັນ ແລະ ຮ່ວມມືໃນຂະແໜງຕ່າງໆ; ເປັນປະຊາຄົມທີ່ມີຄວາມຢືດຢຸ່ນສູງ, ມີສ່ວນຮ່ວມຂອງທຸກພາກສ່ວນ ແລະ ມີປະຊາຊົນເປັນສູນກາງ; ແລະ ເຊື່ອມໂຍງກັບເສດຖະກິດໂລກ.  

3. ລັດຖະມົນຕີສະແດງຄວາມດີໃຈຕໍ່ສະພາບຮ່ວມມືສອງຝ່າຍທາງດ້ານການຄ້າ ແລະ ການລົງທຶນ ລະຫວ່າງອາຊຽນ ກັບຍີປຸ່ນໃນປີ 2015. ມູນຄ່າລວມຂອງການຄ້າດ້ານສິນຄ້າລະຫວ່າງອາຊຽນ ແລະ ຍີປຸ່ນບັນລຸໄດ້ເຖິງ $ 239.4 ຕື້ ໂດລາ, ນັບເປັນ 10.5 ເປີເຊັນການຄ້າຂອງອາຊຽນທັງໝົດ ແລະ ເຮັດໃຫ້ຍີປຸ່ນກາຍເປັນຄູ່ຄ້າໃຫຍ່ອັນດັບທີ 2 ຂອງອາຊຽນ. ໃນຂະນະທີ່ ການລົງທຶນຈາກຍີປຸ່ນມາຍັງອາຊຽນມີມູນຄ່າເຖິງ $ 17.4 ຕື້ ໂດລາ ໃນປີ 2015.

4. ລັດຖະມົນຕີຍິນດີຕໍ່ຜົນສຳເລັດໃນການເຈລະຈາການຄ້າດ້ານການບໍລິການ ແລະ ການໃຫ້ບໍລິການຂ້າມແດນ ລວມທັງ ຄວາມຄືບໜ້າຂອງການເຈລະຈາສັນຍາການລົງທຶນພາຍໃຕ້ສັນຍາການຮ່ວມມືຮອບດ້ານທາງດ້ານເສດຖະກິດລະຫວ່າງອາຊຽນ-ຍີປຸ່ນ(AJCEP). ລັດຖະມົນຕີລໍຖ້າການລົງນາມເຊັນຢ່າງເປັນທາງການເພື່ອໃຫ້ໄດ້ຮັບຜົນປະໂຫຍດຈາກການເຈລະຈາ. 

5. ລັດຖະມົນຕີຮັບຮູ້ເຖິງຄວາມພະຍາຍາມໃນການປັບປຸງການຈັດຕັ້ງປະຕິບັດສັນຍາ AJCEP. ລັດຖະມົນຕີໄດ້ເນັ້ນໜັກເຖິງຄວາມສຳຄັນໃນການຈັດຕັ້ງປະຕິບັດສັນຍາ ຕາຕະລາງຫຼຸດຜ່ອນອັດຕາພາສີ ແລະ ລະບຽບແຫຼ່ງກຳເນີດສະເພາະລາຍການສິນຄ້າ ໃນຂະບວນການໂອນຖ່າຍລະຫັດພາສີ ເພື່ອອຳນວຍຄວາມສະດວກທາງດ້ານການຄ້າລະຫວ່າງອາຊຽນ ແລະ ຍີປຸ່ນພາຍໃຕ້ສັນຍາ AJCEP. ຕໍ່ບັນຫານີ້, ລັດຖະມົນຕີໄດ້ມອບວຽກໃຫ້ເຈົ້າໜ້າທີ່ທີ່ກ່ຽວຂ້ອງເລັ່ງແກ້ໄຂບັນຫາທີ່ຍັງຄົງຄ້າງດັ່ງກ່າວໃຫ້ໄວທີ່ສຸດ, ສຸມໃສ່ໝົດທຸກເຮື່ອແຮງ ແລະ ຂໍ້ໂຍະຍານຕ່າງໆ ເພື່ອໃຫ້ສຳເລັດການໂອນຖ່າຍລະຫັດພາສີຂອງຕາຕະລາງຫຼຸດຜ່ອນພາສີ ຂອງສັນຍາ AJCEP ແລະ ຈັດຕັ້ງປະຕິບັດການໂອນຖ່າຍລະບຽບແຫຼ່ງກຳເນີດສະເພາະສິນຄ້າໃຫ້ໄວທີ່ສຸດ.  

6. ລັດຖະມົນຕີສະແດງຄວາມຍິນດີຕໍ່ຄວາມຄືບໜ້າຂອງການຈັດຕັ້ງປະຕິບັດແຜນຍຸດທະສາດໃນການຮ່ວມມືທາງດ້ານເສດຖະກິດ ໄລຍະ 10 ປີ ຂອງອາຊຽນ-ຍີປຸ່ນໂດຍສະເພາະຜົນສຳເລັດໃນ ໄລຍະປີ 2015–2016 ທີ່ສາມາດບັນລຸໄດ້ໃນຫຼາຍຂົງເຂດຄື: ທຸລະກິດຂະໜາດນ້ອຍ ແລະ ກາງ, ສິດຕໍ່ຊັບສິນທາງປັນຍາ, ມາດຕະຖານ ແລະ ຄວາມສອດຄ່ອງກັບລະບຽບການ. ລັດຖະມົນຕີຮັບຊາບຕໍ່ການປັບປຸງແຜນຍຸດທະສາດໃນການຮ່ວມມືທາງດ້ານເສດຖະກິດ ປີ 2016–2025, ໂດຍກວມເອົາການໃຫ້ການຊ່ວຍເຫຼືອຕໍ່ການຈັດຕັ້ງປະຕິບັດແຜນງານປະຊາຄົມເສດຖະກິດອາຊຽນ 2025 ແລະ ເພີ່ມທະວີການຮ່ວມມືທາງດ້ານເສດຖະກິດ. ແຜນຍຸດທະສາດສະບັບໃໝ່ຈະປະກອບມີສາມວິທີໃນການຮ່ວມມືຄື: (i) ການຊ່ວຍເຫຼືອທາງດ້ານເສດຖະກິດແບບສອງຝ່າຍ ເພື່ອຊ່ວຍມາດຕະການຕ່າງໆຂອງແຕ່ລະປະເທດ, (ii) ການຊ່ວຍເຫຼືອທາງດ້ານເສດຖະກິດເພື່ອການເຊື່ອມໂຍງເສດຖະກິດອາຊຽນ, ແລະ (iii) ການຊ່ວຍເຫຼືອເພື່ອເຊື່ອມໂຍງພາກພື້ນເຂົ້າສູ່ເສດຖະກິດໂລກ.

7. ລັດຖະມົນຕີຍິນດີທີ່ໄດ້ເຫັນຄວາມຄືບໜ້າຂອງກິດຈະກຳຕ່າງໆຂອງ AMEICC (ກອງປະຊຸມປຶກສາຫາລືລະຫວ່າງລັດຖະມົນຕີເສດຖະກິດອາຊຽນ ແລະ ຍີປຸ່ນ- ຄະນະກໍາມະການຮ່ວມມືທາງດ້ານເສດຖະກິດ ແລະ ອຸດສາຫະກຳ) ໃນຂົງເຂດຕ່າງໆຄື: (i) ການພັດທະນາຊັບພະຍາກອນມະນຸດໃນຂະແໜງອຸດສາຫະກຳ, ໂດຍຜ່ານການຊ່ວຍເຫຼືອຊາວໜຸ່ມໃນອາຊີເສີມສ້າງທັກສະວິຊາສະເພາະ ແລະ ຄວາມຮູ້ໃນສາມປີຕໍ່ໜ້າ ພ້ອມທັງສ້າງຄວາມອາດສາມາດພາຍໃຕ້ສັນຍາອາຊຽນ-ຍີປຸ່ນ; ii) ພັດທະນາ SME, ທີ່ຊ່ວຍແຫຼ່ງທຶນໃຫ້ SME ໃຫ້ຫຼາຍຂຶ້ນແກ່ປະເທດອາຊຽນ, ໂດຍຜ່ານການສ້າງລະບົບເຄຼດິດການຄ້ຳປະກັນ ແລະ ລະບົບຄ້ຳປະກັນຂ້າມແດນ; iii) ພັດທະນາອຸດສາຫະກຳເຂດລຸ່ມແມ່ນ້ຳຂອງໂດຍຜ່ານ “ແຜນຍຸດທະສາດການພັດທະນາອຸດສາຫະກຳເຂດລຸ່ມແມ່ນ້ຳຂອງ 2015–2020”. ລັດຖະມົນຕີເສດຖະກິດອາຊຽນໄດ້ສະແດງຄວາມຂອບໃຈຕໍ່ຍີປຸ່ນສຳລັບການສືບຕໍ່ໃຫ້ການຊ່ວຍເຫຼືອໃນການພັດທະນາເສດຖະກິດຂອງອາຊຽນ.

8. ລັດຖະມົນຕີຮັບຊາບຜົນຂອງກອງປະຊຸມ ການປຶກສາຫາລີລະຫວ່າງພາກລັດກັບທຸລະກິດຂອງອາຊຽນ -ຍີປຸ່ນຄັ້ງທີ 3 ກ່ຽວກັບອຸດສາຫະກຳໃໝ່, ຈັດຂຶ້ນໃນວັນທີ 22 ມີຖຸນາ 2016 ທີ່ ບາງກອກ, ໄທ, ໂດຍສະເພາະຂໍ້ສະເໜີກ່ຽວກັບການສົ່ງເສີມຄວາມອາດສາມາດໃນການຜະລິດໃນຂະແໜງການບໍລິການ, ທີ່ມີຄວາມສຳຄັນຕໍ່ການຂະຫຍາຍຕົວຂອງເສດຖະກິດອາຊຽນໃນອະນາຄົດ. ຂໍ້ສະເໜີຕ່າງໆແມ່ນເປັນຜົນມາຈາກການປຶກສາຫາລືລະຫວ່າງເຈົ້າໜ້າທີ່ລັດຂອງອາຊຽນ ແລະ ຍີປຸ່ນ, ບໍລິສັດໃຫ້ການບໍລິການ, ແລະ ນັກຄົ້ນຄວາມເພື່ອທຳຄວາມເຂົ້າໃຈກ່ຽວກັບນະໂຍບາຍຕ່າງໆຂອງຂະແໜງບໍລິການ ແລະ ແລກປ່ຽນບົດຮຽນທີ່ດີເລີດໃນອຸດສາຫະກຳບໍລິການ. ລັດຖະມົນຕີຄາດຫວັງວ່າຂໍ້ສະເໜີຈະສາມາດນຳໃຊ້ໃຫ້ເປັນພື້ນຖານໃນການສ້າງຮູບແບບການຮ່ວມມືອັນໃໝ່ລະຫວ່າງອາຊຽນ ແລະ ຍີປຸ່ນ ເພື່ອພັດທະນາຜະລິດຕະພັນຂອງອຸດສາຫະກຳການບໍລິການໃນອາຊີ.


 

Last Updated ( Friday, 19 August 2016 15:30 )  
You are here: Home News and Events News 22th AEM-METI Consultations

Related Items