Foreign Trade Policy Department

    ພາສາລາວພາສາອັງກິດ

ເມນູຫຼັກ

ໜ່ວຍງານແຈ້ງຂໍ້ມູນ GATS

WTO & AEC Center

ຜູ້ທີ່ກຳລັງເຂົ້າຢ້ຽມຊົມ

ເຮົາມີ 76 ບຸກຄົນທົ່ວໄປ ອອນໄລນ

ສະຖິຕິຜູ້ເຂົ້າຢ້ຽມຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday283
mod_vvisit_counterYesterday990
mod_vvisit_counterThis week1273
mod_vvisit_counterLast week6558
mod_vvisit_counterThis month26016
mod_vvisit_counterLast month31196
mod_vvisit_counterAll days1130337

Information Technology Agreement: ITA

ອີເມລ ພິມ PDF
There are no translations available.

ກອງປະຊຸມອົງການການຄ້າໂລກ ກ່ຽວກັບສັນຍາວ່າດ້ວຍ ເຕັກໂນໂລຊີຂໍ້ມູນຂ່າວສານ-ITA

ໃນວັນທີ 30 ພະຈິກ 216, ກົມ​ນະ​ໂຍບາຍການ​ຄ້າ​ຕ່າງປະ​ເທດ ​ກະຊວງ​ອຸດສາຫະກຳ ​ແລະ ການ​ຄ້າ (ອຄ) ​ໄດ້​ຈັດ​ກອງປະຊຸມອົງການການຄ້າໂລກ  (WTO) ກ່ຽວກັບສັນຍາວ່າດ້ວຍ ເຕັກໂນໂລຊີຂໍ້ມູນຂ່າວສານ (Information Technology Agreement: ITA) ໂດຍພາຍໃຕ້ການເປັນປະທ່ານຮ່ວມຂອງທ່ານ ບຸນເຖິງ ດວງສະຫວັນ, ຮອງຫົວໜ້າກົມນະໂຍບາຍການຄ້າຕ່າງປະເທດ ແລະ ທ່ານ Daniel Fitzpatrick, ຫວົໜ້າໂຄງການຮ່ວມມື ລາວ-ສະຫະລັດອາເມລິກາ ເພື່ອການເຊື່ອມໂຍງສາກົນ ແລະ ອາຊຽນ ໄລຍະທີ II (LUNA II). ນອກນັ້ນແລ້ວຍັງມີຊ່ຽວຊານທີ່ມີປະສົບການຈາກຕ່າງປະເທດເຂົ້າຮ່ວມບັນຍາຍ.

ຈຸດປະສົງຂອງກອງປະຊຸມໃນຄັ້ງນີ້ແມ່ນເພື່ອສ້າງຄວາມຮັບຮູ້ ແລະ ເຂົ້າໃຈກ່ຽວກັບສັນຍາວ່າດ້ວຍ ເຕັກໂນໂລຊີຂໍ້ມູນຂ່າວສານ (ITA) ແລະ ສັນຍາ ITA ສະບັບປັບປຸງເພີ່ມລາຍການສິນຄ້າປະເພດດັ່ງກ່າວ ຫຼື ITA Expansion ພາຍໃຕ້ອົງການການຄ້າໂລກ ໂດຍສະເພາະແມ່ນຜົນປະໂຫຍດທີ່ຈະໄດ້ຮັບຈາກການເຂົ້າເປັນພາຄີຂອງສັນຍາທັງສອງນີ້. ສັນຍາດັ່ງກ່າວ ເປັນສັນຍາການຄ້າຫຼາຍຝ່າຍແບບສະໝັກໃຈຂອງ ອຄລ ໝາຍເຖິງແຕ່ລະປະເທດບໍ່ມີພັນທະໃນການເຂົ້າຮ່ວມສັນຍາ ແຕ່ຖ້າສະມາຊິກຂອງອົງການການຄ້າໂລກຕ້ອງການເຂົ້າເປັນພາຄີຂອງສັນຍານີ້ ກໍສາມາດປະຕິບັດໄດ້ຕາມຂັ້ນຕອນຂອງສັນຍາ.
ສັນ ITA ແມ່ນສັນຍາໜື່ງທີ່ສຳຄັນໃນອົງການການຄ້າໂລກ ໂດຍເລີ່ມຕົ້ນເຈລະຈາພາຍຫຼັງການສ້າງຕັ້ງອົງການການຄ້າໂລກ ໃນປີ 1995 ຊຶ່ງໃນເວລານັ້ນຂົງເຂດການຄ້າຜະລິດຕະພັນເຕັກໂນໂລຊີຂໍ້ມູນຂ່າວສານແມ່ນມີການຂະຫຍາຍຕົວຢ່າງວ່ອງໄວໃນລະບົບການຄ້າໂລກ; ເນື້ອໃນພັນທະສຳຄັນຂອງສັນຍາດັ່ງກ່າວ ແມ່ນກຳນົດໃຫ້ສະມາຊິກ ອຄລ ທີ່ເຂົ້າຮ່ວມເປັນພາຄີໃນເວລານັ້ນ 82 ປະເທດ ຕ້ອງລົບລ້າງອັດຕາພາສີໃຫ້ເປັນ 0% ສຳລັບສິນຄ້າທັງໝົດທີ່ລະບຸໄວ້ໃນສັນຍາ ຊຶ່ງກວມເອົາ  97% ຂອງມູນຄ່າການຄ້າດ້ານຜະລິດຕະພັນ IT ຂອງໂລກ. ບັນດາພະລິດຕະພັນເຕັກໂນໂລຊີທີ່ທັນສະໄໝລວມມີ: ຄອມພິວເຕີ້, ອຸງປະກອນສື່ສານ, ເຄື່ອງສົ່ງໄຟຟ້າ, ຊອບແວ, ເຄື່ອງມືອຸປະກອນວິທະຍາສາດ ແລະ ບັນດາພາກສ່ວນອຸປະກອນເສີມຕ່າງໆ. ໃນກອງປະຊຸມລັດຖະມົນຕີທີ່ ໄນໂຮບີ ເດືອນ ທັນວາ 2015 ທີ່ຜ່ານມາ, ໄດ້ມີ 50 ສະມາຊິກສາມາດສະຫຼຸບການເຈລະຈາ ຂະຫຍາຍຂົງເຂດເ ສັນຍາ ITA ປະຈຸບັນສັນຍາດັ່ງກ່າວ ໄດ້ຂະຫຍາຍເຕີ່ມອີກ 201 ລາຍການສິນຄ້າ ໂດຍມີມູນຄ່າການຄ້າປະມານ 1300 ຕື້ໂດລາຕໍ່ປີ. ໃນນັ້ນ ບັນດາປະເທດອາຊຽນທີ່ເຂົ້າຮ່ວມໃນສັນຍາດັ່ງກ່າວມີ: ອິນໂດເນເຊຍ, ມາເລເຊຍ, ຟິລິປີນ, ສິງກາໂປ, ໄທ ແລະ ຫວຽດນາມ.
ກອງ​ປະຊຸມ​ດັ່ງກ່າວ​ນີ້​ໄດ້​ດຳ​ເນີນ​ເປັນ​ເວລາ 1 ວັນ​ເຕັມ, ມີຜູ້ເຂົ້າ​ຮ່ວມທັງໝົດຫຼາຍກວ່າ 90 ທ່ານທີ່ມາຈາກທາງ​ພາກ​ລັດ ​ແລະ ທຸລະ​ກິດ ໂດຍສະເພາະແລ້ວແມ່ນຜູ້ປະກອບການກ່ຽວກັບກິດຈະການ IT.

 


 

ແກ້ໄຂລ່າສຸດ ( ມື້ພຸດທີ່ 30 ພະຈິກ 2016 ເວລາ 15: 56 )  
You are here: Home ຂ່າວສານແລະກິດຈະກຳ ຂ່າວສານ Information Technology Agreement: ITA

ບົດຄວາມທີ່ກ່ຽວຂ້ອງ