Foreign Trade Policy Department

    Lao (ພາສາລາວ)English

Main Menu

GATS Enquiry Point

WTO & AEC Center

Who's Online

We have 69 guests online

Visitor Counter

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday552
mod_vvisit_counterYesterday964
mod_vvisit_counterThis week3618
mod_vvisit_counterLast week7125
mod_vvisit_counterThis month14668
mod_vvisit_counterLast month28401
mod_vvisit_counterAll days1308354

Public forum on 4th anniversary of Laos accession to WTO

E-mail Print PDF

ກອງປະຊຸມແລກປ່ຽນຄໍາຄິດເຫັນເນື່ອງໃນໂອກາດ​ການເຂົ້າເປັນສະມາຊິກ ອົງການການຄ້າໂລກ ຂອງ ສປປ ລາວ ຄົບຮອບ 4 ປີ

ໃນຫົວຂໍ້ “ການຄ້າລາວ ກ້າວສູ່ການຄ້າໂລກ”

ໃນ​ຕອນ​​ເຊົ້າ​ເວລາ 08:30 ​ໂມງ ຂອງ ວັນ​ທີ 10 ກຸມພາ 2017 ​ໄດ້​ມີ​ການຈັດກອງ​ປະຊຸມ​ແລກປ່ຽນ​ຄຳ​ຄິດ​ເຫັນ​ເນື່ອງ​ໃນ​ໂອກາດການເຂົ້າເປັນສະມາຊິກອົງການການຄ້າໂລກ ຂອງ ສປປ ລາວ ຄົບຮອບ 04 ປີ ໃນຫົວຂໍ້ “ການຄ້າລາວກ້າວສູ່ການຄ້າໂລກ” ທີ່ ຫ້ອງປະຊຸມໃຫ່ຍ ກະຊວງອຸດສາຫະກຳ ແລະ ການຄ້າ​ ພາຍ​ໃຕ້​ການ​ເປັນ​ປະທານ​ກ່າວ​ເປີດ​ພິທີ​ໂດຍ ທ່ານ  ທ່ານ ສົມຈິດ ອິນທະມິດ, ຮອງລັດຖະມົນຕີກະຊວງອຸດສາຫະກໍາ ແລະ ການຄ້າ ​ແລະ ມີ​ຜູ້​ເຂົ້າ​ຮ່ວມ​ຈາກ​ພາກ​ລັດ, ທຸ​ລະ​ກິດ ພ້ອມ​ທັງ​ສະ​ຖາ​ບັນ​ການ​ສຶກສາ ​ຈຳນວນຫຼາຍ​ກວ່າ 150 ຄົນ.  ຈຸດປະສົງຕົ້ນຕໍຂອງ​ກອງ​ປະຊຸມໃນມື້ນີ້ ​ແມ່ນເພື່ອສົນທະນາ ແລະ ແລກປ່ຽນຄໍາຄິດເຫັນ ກ່ຽວກັບການຈັດ​ຕັ້ງ​ປະຕິບັດ​ພັນທະ​ຂອງ ສປປ ລາວ ພາຍໃຕ້ ອຄລ ​ແລະ ວຽກ​ງາ​ນການອໍານວຍຄວາມສະດວກທາງດ້ານການ​ຄ້າ ຊຶ່​ງ​ ​ຈະ​ໄດ້​ມີ​ການ​ສົນທະນາ​ລາຍ​ລະອຽດກ່ຽວ​ກັບວຽກງານສຸຂານາໄມ ແລະ ສຸຂານາໄມພືດ; ວຽກງານມາດຕະຖານ ແລະ ການວັດແທກ ພ້ອມ​ທັງ ວຽກ​ງານ​ພາສີ ​ໂດຍ   ສ​ະ​ເພາະ ​ແມ່ນການຈັດ​ຕັ້ງລະບົບ​ແຈ້ງ​ພາສີປະຕູດຽວແຫ່ງຊາດ (National Single Window) ​ເປັນ​ຕົ້ນ.

 

 

ຕະຫຼອດໄລຍະເວລາ 15 ປີ ຂອງການເຈລະຈາເຂົ້າເປັນສະມາຊິກ ອຄລ, ສປປ ລາວ ໄດ້ທົບທວນ, ສ້າງ ແລະ ປັບປຸງນິຕິກຳທີ່ຕິດພັນກັບການຄ້າໃຫ້ສອດຄ່ອງກັບສັນຍາຂອງ ອຄລ ຫຼາຍກວ່າ 90 ສະບັບ, ໃນນີ້ລວມມີກົດໝາຍ 26 ສະບັບ, ດໍາລັດ 18 ສະບັບ ແລະ ອື່ນໆອີກຫຼາຍສະບັບ​ເພື່ອສ້າງ​ສະພາບ​​ແວດ​ລ້ອມ​ທີ່​ເອື້ອ​ອໍານວຍ​ໃຫ້ແກ່​ການ​ດໍາ​ເນີນ​ທຸລະ​ກິດ ​ແລະ ​ດຶງ​ດູດ​ການ​ລົງທຶນ​. ​​ໃນ​ໄລຍະ 4 ປີນັບ​ຈາກມື້ເຂົ້າເປັນສະມາຊິກ ອຄລ, ສປປ ລາວ ​ກໍໄດ້ສຸມໃສ່ການຈັດຕັ້ງປະຕິບັດພັນທະ ຊຶ່ງ​ສາມາດ​ສຳ​ເລັດ​ໄດ້​ວຽກ​ງານ​ທີ່​ພົ້ນ​ເດັ່ນ​ດັ່ງ​ນີ້:

  1. ​​​ການສ້າງ​ຈົດໝາຍ​ເຫດ​ທາງ​ລັດຖະການ ​ເພື່ອເປັນບ່ອນລົງເຜີຍແຜ່ບັນດານິຕິກຳ ໃຫ້ສາທາລະນະຊົນຮັບຮູ້ ແລະ ຈັດຕັ້ງປະຕິບັດ, ລວມທັງການປະກອບຄໍາເຫັນໃສ່ຮ່າງນິຕິກໍາທີ່ສ້າງຂຶ້ນໃໝ່;
  2. ການລົບລ້າງລາຄາກາງຂອງນ້ຳມັນເຊື້ອໄຟ ແລະ ຍານພາຫະນະ ​ແລະ ຫັນ​ມານໍາ​ໃຊ້​ລາ​ຄາ​ຊື້​ຂາຍ​ຕົວ​ຈິງ;
  3. ການ​ຈັດອັດຕາພາສີຂອງ ອຄລ ເຂົ້າ​ໃນປຶ້ມລະຫັດສາລະບານພາສີຂອງ ສປປ ລາວ ຈາກສະບັບປີ 2002  ເປັນສະບັບປີ 2012;
  4. ປັບປຸງດໍາລັດນາຍົກລັດຖະມົນຕີວ່າດ້ວຍການຈັດຕັ້ງປະຕິບັດ ແລະ ການເຄື່ອນໄຫວຂອງຄະນະກຳມະ ການປະສານງານລະດັບຊາດວ່າດ້ວຍການເຊື່ອມໂຍງເສດຖະກິດກັບສາກົນ (ຄປຊ);
  5. ສ້າງເວັບໄຊ໌ການ​ຄ້າ​ລາວ Lao Trade Portal ເພື່ອອໍານວຍຄວາມສະດວກໃຫ້ພາກທຸລະກິດເຂົ້າເຖິງຂໍ້ມູນທີ່ກ່ຽວຂ້ອງກັບລະບຽບການນໍາເຂົ້າ-ສົ່ງອອກສິນຄ້າ;
  6. ສົ່ງ​ແຈ້ງ​ການ​ກ່ຽວກັບນະໂຍບາຍ ແລະ ລະບຽບການດ້ານການຄ້າ ທີ່​ຕິດ​ພັນ​ກັບ​ສັນຍາ ອຄລ ລວມມີ 25 ສະບັບ;
  7. ການໃຫ້ສັດຕະຍາບັນຂອງ ສັນຍາວ່າດ້ວຍການອຳນວຍຄວາມສະດວກທາງດ້ານການຄ້າ ແລະ ຈັດໝວດມາດຕະການ ທີ່ສາມາດຈັດຕັ້ງປະຕິບັດໄດ້ (Category A) ແລະ ວຽກງານສາທາລະນະສຸກ (Public Health).

ຍ້ອນການ​ປັບປຸງບັນດາ​ນິຕິ​ກຳ​ຕ່າງໆ​ໃຫ້​ມີ​ຄວາມ​ໂປ່​ງ​​ໃສ ​ແລະ ສ້າງ​ສະ​ພາບ​ແວດ​ລ້ອມ​ທີ່​ເອື້ອ​ອຳນວຍ​ຄວາມສະ​ດວກ​ໃນ​ການ​ດຳ​ເນີນ​ທຸລະ​ກິດ ຈຶ່ງ​ເຮັດ​ໃຫ້​ນັກ​ລົງທຶນ​ມີ​ຄວາມ​ເຊື່ອ​ໝັ້ນ​ຕໍ່​ນະ​ໂຍບາຍ​ການ​ຄ້າ ​ແລະ ການ​ລົງທຶນ​ຂອງ ສປປ ລາວ, ຊຶ່ງເຫັນ​ໄດ້​ຈາກການ​ເຂົ້າ​ມາ​ລົງທຶນໃນ ສປປ ລາວ ​ຂອງບໍລິສັດ​ຂ້າມ​ຊາດ​ຂະໜາດ​ໃຫຍ່ ​ເຊັ່ນ: Coca Cola, Canon ​ແລະ ສາຍ​ການບິນ Air Asia, Silkair​ ເປັນ​ຕົ້ນ; ໃນອີກບໍ່ດົນຈະມີສາຍການບິນ Hongkong Express ບິນໂດຍກົງລະຫວ່າງ ຫຼວງພະບາງ-ຮົງກົງ. ນອກ​ຈາກ​ນີ້, ຈາກຕົວ​ເລກສະຖິຕິ​​ການ​ສົ່ງ​ອອກສິນຄ້າ​ຂອງ ສປປ ລາວ ​ເຫັນ​ວ່າ​ໄດ້​ເພີ່ມ​ຂຶ້ນ​ຈາກ​ 3.2 ຕຶ້ື້​ໂດ​ລາ​ ​ໃນ​ປີ 2012 ມາ​ເປັນ 4.1 ຕື້​ໂດ​ລາ​ໃນ​ປີ 2015 ​ແລະ ການ​ນໍາ​ເຂົ້າ​ສິນຄ້າໃນ​ປີ​ດຽວ​ກັນ​ກໍ​ເພີ່ມ​ຂຶ້ນຈາກ 5.8 ຕື້​ໂດ​ລາມາ​ເປັນ 6.5 ຕື້​ໂດ​ລາ​; ​ແລະ ການ​ລົງທຶນກໍ​ເພີ່ມຂຶ້ນ​ເຊັ່ນ​ດຽວ​ກັນ​ຈາກ 294 ລ້ານ​ໂດ​ລາ​​ ​ໃນ​ປີ 2012 ມາ​ເປັນ 721 ລ້ານ​ໂດ​ລາ​ ​ໃນ​ປີ 2014 ຊຶ່ງ​​​ປະຕິ​ເສດ​ບໍ່​ໄດ້​ວ່າ ການ​ເຂົ້າ​ເປັນ​ສະມາຊິກ ອຄລ ໄດ້​ປະກອບສ່ວນ​ຢ່າງ​ຫຼວງ​ຫຼາຍເຮັດ​ໃຫ້ບັນຍາກາດ​ຂອງ​ການ​ຄ້າ ​ແລະ ກາ​ນລົງທຶນ​ເພີ່ມ​ຂຶ້ນ​ໃນ​ແຕ່ລະ​ປີ. ​​

ຄຽງ​ຄູ່​ກັບ​ຜົນສໍາ​ເລັດ​ທີ່​ກ່າວມາ​ຂ້າງ​ເທິງ,​ ສປປ ລາວ ຈະຕ້ອງໄດ້ສືບຕໍ່ຈັດຕັ້ງປະຕິບັດ​ພັນທະ​ສັນຍາອີກຈໍານວນໜຶ່ງໃຫ້ສໍາເລັດ, ເປັນຕົ້ນແມ່ນ ການສ້າງກົດໝາຍທີ່ຕິດພັນກັບວຽກງານການແກ້ໄຂທາງດ້ານການຄ້າ (Trade Remedies), ການອອກລະບຽບການທີ່ຕິດພັນກັບສິດໃນການນຳເຂົ້າ-ສົ່ງອອກ, ການສ້າງຕັ້ງອົງການດັດສົມໂທລະຄົມເອກະລາດ ​ແລະ ​ແຈ້ງ​ການ​ກ່ຽວ​ກັບການອຸດໜູນພາຍໃນສໍາລັບສິນຄ້າກະສິກຳ. ລວມທັງ ການ​ປະກອບ​ສ່ວນ​ເຂົ້າ​ໃນ​ການ​ເຈລະຈາ​ຮອບ​ໂດ​ຮາ​. ພ້ອມ​ນັ້ນ,  ​​ໃນປີ 2019 ຫຼື ອີກສອງປີຕໍ່ໜ້າ ສປປ ລາວ ຈະໄດ້ມີການທົບທວນນະໂຍບາຍການຄ້າ ຊຶ່ງຈະມີ​ການ​ປະ​ເມີນ​ກ່ຽວກັບ​ນະ​ໂຍບາຍ ​ແລະ ການຈັດ​ຕັ້ງປະຕິບັດ​, ພ້ອມ​ທັງ​ຜົນກະທົບ​ທີ່ມີຕໍ່ລະບົບ​ການ​ຄ້າ​ຫຼາຍຝ່າຍ.

 


Last Updated ( Monday, 13 February 2017 15:15 )  
You are here: Home News and Events News Public forum on 4th anniversary of Laos accession to WTO

Related Items