Foreign Trade Policy Department

    ພາສາລາວພາສາອັງກິດ

ເມນູຫຼັກ

ໜ່ວຍງານແຈ້ງຂໍ້ມູນ GATS

WTO & AEC Center

ຜູ້ທີ່ກຳລັງເຂົ້າຢ້ຽມຊົມ

ເຮົາມີ 98 ບຸກຄົນທົ່ວໄປ ອອນໄລນ

ສະຖິຕິຜູ້ເຂົ້າຢ້ຽມຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday1098
mod_vvisit_counterYesterday1252
mod_vvisit_counterThis week6073
mod_vvisit_counterLast week7548
mod_vvisit_counterThis month21521
mod_vvisit_counterLast month32845
mod_vvisit_counterAll days1250785

Dissemination Workshop on Laos Economic Integration

ອີເມລ ພິມ PDF
There are no translations available.

ກອງປະຊຸມເຜີຍແຜ່ຄວາມຮູ້ພື້ນຖານ ກ່ຽວກັບ ອາຊຽນ ແລະ ການຮ່ວມມືທາງເສດຖະກິດ ແລະ ການເຂົ້າເປັນສະມາຊິກອົງການການຄ້າໂລກ ຂອງ ສປປ ລາວ

ໃນຕອນບ່າຍເວລາ 13:30 ໂມງ ຂອງ ວັນທີ 16 ກຸມພາ 2017 ໄດ້ມີການຈັດກອງປະຊຸມເຜີຍແຜ່ຄວາມຮູ້ພື້ນຖານ ກ່ຽວກັບ ອາຊຽນ ແລະ ການຮ່ວມມືທາງເສດຖະກິດ ແລະ ການເຂົ້າເປັນສະມາຊິກອົງການການຄ້າໂລກ ຂອງ ສປປ ລາວ ທີ່ ຫ້ອງປະຊຸມໃຫ່ຍ ກະຊວງອຸດສາຫະກຳ ແລະ ການຄ້າ, ໂດຍມີຜູ້ເຂົ້າຮ່ວມຈາກພາກລັດ (ລັດຖະກອນໃໝ່) ພ້ອມທັງນັກສຶກສາຈາກສະຖາບັນການສຶກສາ ຈຳນວນຫຼາຍກວ່າ 70 ຄົນ.  ຈຸດປະສົງຕົ້ນຕໍຂອງກອງປະຊຸມໃນມື້ນີ້ ແມ່ນເພື່ອສ້າງຄວາມຮູ້ ແລະ ຄວາມເຂົ້າໃຈພື້ນຖານ ກ່ຽວກັບ 2 ຫົວຂໍ້ໃຫຍ່ຄື: (1) ວຽກງານອາຊຽນ ແລະ ການຮ່ວມມືທາງເສດຖະກິດ ເປັນຕົ້ນແມ່ນການສ້າງປະຊາຄົມເສດຖະກິດອາຊຽນ (AEC) ແລະ (2) ການເຂົ້າເປັນສະມາຊິກອົງການການຄ້າໂລກ ຂອງ ສປປ ລາວ ແລະ ພັນທະພື້ນຖານທີ່ ສປປ ລາວ ຕ້ອງໄດ້ຈັດຕັ້ງປະຕິບັດ ໃຫ້ແກ່ລັດຖະກອນເຂົ້າໃໝ່ ແລະ ນັກສຶກສາ ເພື່ອຄວາມຮູ້ທົ່ວໄປທີ່ກ່ຽວກັບວຽກງານການເຊື່ອມໂຍງເສດຖະກິດຂອງ ສປປ ລາວ ແລະ ທັງເປັນຖານຂໍ້ມູນໃຫ້ແກ່ນັກສຶກສາໃນການຂຽນບົດຈົບຊັ້ນ.

ສຳລັບຫົວຂໍ້ທີ 1 ໄດ້ຮັບການບັນຍາຍໂດຍ ທ່ານ ອານຸພາບ ໄຊຍະເສນສຸກ, ຫົວໜ້າພະແນກສັງລວມ, ກົມນະໂຍບາຍການຄ້າຕ່າງປະເທດ ໂດຍເນັ້ນໃສ່ການເຊື່ອມໂຍງເສດຖະກິດກັບສາກົນ ຂອງ ສປປ ລາວ ພາຍໃຕ້ຂອບອາຊຽນ ເລີ່ມຈາກ ປະຫວັດຄວາມເປັນມາ, ວັດຖະປະສົງ, ປະໂຫຍດ, ກາລະໂອກາດ ລວມທັງສິ່ງທ້າຍທີ່ ສປປ ລາວ ຈະໄດ້ຮັບ ແລະ ປະເຊີນຈາກການເຂົ້າປະຊາຄົມອາຊຽນ ແລະ ປະຊາຄົມເສດຖະກິດອາຊຽນ.

ຫົວຂໍ້ທີ 2 ໄດ້ຮັບການບັນຍາຍໂດຍ ທ່ານ ສັກຕິສຸກ ພູສະຫວັດ ຫົວໜ້າພະແນກການຄ້າຫຼາຍຝ່າຍ, ກົມນະໂຍບາຍການຄ້າຕ່າງປະເທດ ໃນຫົວຂໍ້ນີ້ໄດ້ບັນຍາຍກ່ຽວກັບ ຄວາມຮູ້ທົ່ວໄປກ່ຽວກັບອົງການການຄ້າໂລກ, ຫຼັກການພື້ນຖານທີ່ສຳຄັນຂອງສັນຍາ WTO, ກົນໄກການແກ້ໄຂຂໍ້ຂັດແຍ່ງ, ການເຈລະຮອດໂດຮາ ແລະ ຜົນປະໂຫຍດຂອງພາກຖຸລະກິດຂອງລາວຫຼັງຈາກການເປັນສະມາຊິກອົງການການຄ້າໂລກ.

ກອງປະຊຸມໄດ້ດໍາເນີນໄປ ໂດຍຜູ້ເຂົ້າຮ່ວມ ໄດ້ໃຫ້ຄວາມສົນໃຈເປັນຢ່າງດີຕໍ່ການບັນຍາຍ ເຊິ່ງສະແດງອອກໃນການແລກປ່ຽນຄຳຄິດຄຳເຫັນ ແລະ ຕັ້ງຄໍາຖາມຢ່າງກົງໄປກົງມາ. ກອງປະຊຸມສິ້ນສຸດລົງໃນເວລາ 16.30 ໂມງແລງຂອງວັນດຽວກັນ.

 


 

 
You are here: Home ຂ່າວສານແລະກິດຈະກຳ ຂ່າວສານ Dissemination Workshop on Laos Economic Integration

ບົດຄວາມທີ່ກ່ຽວຂ້ອງ