Foreign Trade Policy Department

    ພາສາລາວພາສາອັງກິດ

ເມນູຫຼັກ

ໜ່ວຍງານແຈ້ງຂໍ້ມູນ GATS

WTO & AEC Center

ຜູ້ທີ່ກຳລັງເຂົ້າຢ້ຽມຊົມ

ເຮົາມີ 114 ບຸກຄົນທົ່ວໄປ ອອນໄລນ

ສະຖິຕິຜູ້ເຂົ້າຢ້ຽມຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday911
mod_vvisit_counterYesterday1219
mod_vvisit_counterThis week912
mod_vvisit_counterLast week8630
mod_vvisit_counterThis month24989
mod_vvisit_counterLast month32845
mod_vvisit_counterAll days1254253

ASEAN Medal Ceremony

ອີເມລ ພິມ PDF
There are no translations available.

ພິທີສະຫຼຸບ ແລະ ຍ້ອງຍໍຊົມເຊີຍ ຜົນສໍາເລັດຂອງກອງປະຊຸມປິ່ນອ້ອມ ກອງປະຊຸມສຸດຍອດອາຊຽນ ຄັ້ງທີ່ 28 ແລະ 29

ໃນຕອນບ່າຍຂອງວັນທີ 30 ພຶດສະພາ 2017 ທີ່ກະຊວງອຸດສາຫະກໍາ ແລະ ການຄ້າ ໄດ້ມີພິທີສະຫຼຸບ ແລະ ຍ້ອງຍໍຊົມເຊີຍ ຜົນສໍາເລັດຂອງກອງປະຊຸມປິ່ນອ້ອມ ກອງປະຊຸມສຸດຍອດອາຊຽນ ຄັ້ງທີ່ 28 ແລະ 29 ທີ່ ສປປ ລາວ ໄດ້ຮັບກຽດເປັນເຈົ້າພາບ ແລະ ເປັນປະທານໃນປີ 2016. ໂດຍການໃຫ້ກຽດເປັນປະທານໂດຍທ່ານ ນາງ ເຂັມມະນີ ພົນເສນາ, ລັດຖະມົນກະຊວງອຸດສາຫະກໍາ ແລະ ການຄ້າ. ເຂົ້າຮ່ວມພິທີໃນຄັ້ງນີ້ ມີບັນດາຮອງລັດຖະມົນຕີ, ຫົວໜ້າກົມ, ຮອງກົມ, ປະທານ, ຮອງປະທານ ແລະ ບັນດາແຂກ ຈາກກະຊວງອຸດສາຫະກໍາ ແລະ ການຄ້າ ແລະ ສະພາການຄ້າ ແລະ ອຸດສາຫະກໍາ ແຫ່ງຊາດລາວ. ໂດຍພິທີໃນມື້ນີ້ ແມ່ນເປັນການສືບຕໍ່ພິທີ ທີ່ເປັນອັນລວມຂອງລັດຖະບານ ຊຶ່ງຈັດຂຶ້ນຢູ່ທີ່ສູນການຮ່ວມມືສາກົນ ແລະ ການຝຶກອົບຮົມ ໃນວັນທີ 5 ເມສາ 2017 ທີ່ຜ່ານມາ ເພື່ອສະຫຼຸບ ແລະ ຍ້ອງຍໍຊົມເຊີຍຜົນສໍາເລັດການເປັນປະທານອາຊຽນ ແລະ ເປັນເຈົ້າພາບກອງປະຊຸມສຸດຍອດອາຊຽນ ຄັ້ງທີ 28 ແລະ 29 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ ຂອງ ສປປ ລາວ ໃນປີ 2016.

ຈຸດປະສົງໃນພິທີ ແມ່ນເພື່ອດໍາເນີນການຍ້ອງຍໍບຸກຄົນ ແລະ ກົມກອງລວມໝູ່ຂອງກະຊວງອຸດສາຫະກໍາ ແລະ ການຄ້າ ແລະ ສະພາການຄ້າ ແລະ ອຸດສາຫະກໍາ ແຫ່ງຊາດລາວ ທີ່ມີຜົນງານ ແລະ ຄຸນງາມຄວາມດີ ປະກອບສ່ວນທາງດ້ານເຫື່ອແຮງ ແລະ ສະຕິປັນຍາເຂົ້າໃນການເປັນເຈົ້າພາບ ແລະ ເປັນ

ປະທານບັນດາກອງປະຊຸມເສົາຄໍ້າເສດຖະກິດອາຊຽນ ເປັນຕົ້ນແມ່ນ ກອງປະຊຸມລັດຖະມົນຕີເສດຖະກິດອາຊຽນ ຄັ້ງທີ 48, ກອງປະຊຸມເຈົ້າໜ້າທີ່ອາວຸໂສເສດຖະກິດອາຊຽນ, ກອງປະຊຸມສຸດຍອດພາກທຸລະກິດ ແລະ ການລົງທຶນອາຊຽນ, ເວທີປຶກສາຫາລືການເປັນຜູ້ນໍາອາຊຽນ ແລະ ກອງປະຊຸມອື່ນໆ.

 

ຈາກຜົນງານທີ່ພົ້ນເດັ່ນດັ່ງກ່າວ: ມີບຸກຄົນ ແລະ ກົມກອງລວມໝູ່ ຂອງກະຊວງອຸດສາຫະກໍາ ແລະ ການຄ້າ ແລະ ສະພາການຄ້າ ແລະ ອຸດສາຫະກໍາແຫ່ງຊາດ ໄດ້ຮັບການຍ້ອງຍໍຂັ້ນຕ່າງໆດັ່ງລຸ່ມນີ້:

  1. ຫຼຽນໄຊແຮງງານ ຊັ້ນ II ຈໍານວນ 17 ທ່ານ ແລະ 01 ກົມກອງ.
  2. ຫຼຽນໄຊແຮງງານ ຊັ້ນ III ຈໍານວນ 24 ທ່ານ.
  3. ຫຼຽນກາແຮງງານ ຈໍານວນ 20 ທ່ານ.
  4. ໃບຍ້ອງຍໍລັດຖະບານຈໍານວນ 08 ທ່ານ.
  5. ໃບຍ້ອງຍໍກະຊວງອຸດສາຫະກໍາ ແລະ ການຄ້າ ຈໍານວນ 65 ທ່ານ ເຊິ່ງທັງໝົດໃນການມອບ-ຮັບການຍ້ອງຍໍຊົມເຊີຍຄັ້ງນີ້ ມີ 134 ທ່ານ ແລະ 1 ກົມກອງ.

ຜົນສໍາເລັດດັ່ງກ່າວ ຍັງເຮັດໃຫ້ບົດບາດຂອງກະຊວງອຸດສາຫະກໍາ ແລະ ການຄ້າ ໄດ້ຮັບການຍົກສູງຂຶ້ນ ທັງຢູ່ພາຍໃນປະເທດ, ພາກພື້ນອາຊຽນ ແລະ ສາກົນ, ໂດຍສະເພາະແມ່ນໄດ້ຮັບການຍ້ອງຍໍຊົມເຊີຍຈາກລັດຖະບານ, ປະເທດສະມາຊິກອາຊຽນ, ຄູ່ຮ່ວມເຈລະຈາ ແລະ ບັນດາອົງການຈັດຕັ້ງສາກົນຕ່າງໆ ຢ່າງກວ້າງຂວາງ.

ໃນຕອນທ້າຍຂອງພິທີ ທ່ານ ນາງ ເຂັມມະນີ ພົນເສນາ ໄດ້ກ່າວວ່າ: ການເປັນປະທານ ແລະ ການເປັນເຈົ້າພາບກອງປະຊຸມສຸດຍອດອາຊຽນໃນປີຜ່ານມາ ຖືວ່າພວກເຮົາໄດ້ປະສົບຜົນສຳເລັດເປັນຢ່າງສູງພາຍໃຕ້ການຊີ້ນຳໆພາຂອງ ທ່ານ ທອງລຸນ ສີສຸລິດ ນາຍົກລັດຖະມົນຕີ ພ້ອມທັງຄະນະການນຳກະຊວງໄດ້ຈັດຕັ້ງຄະນະກຳມະການຮັບຜິດຊອບຢ່າງໃກ້ຊິດໃນໜ້າວຽກຕ່າງໆ ໂດຍສະເພາະໃນຂອບເຂດເສົາຄ້ຳເສດຖະກິດ ທີ່ສາມາດຈັດກອງປະຊຸມລັດຖະມົນຕີເສດຖະກິດອາຊຽນ ຄັ້ງທີ 48 ສຳເລັດ ໂດຍທີ່ກອງປະຊຸມດັ່ງກ່າວໄດ້ຮັບເອົາ 8 ແຜນບຸລິມະສິດທີ່ ສປປ ລາວ ສະເໜີ ແລະ ໄດ້ຮັບຮອງເຂົ້າໃນແຜນວິໃສທັດອາຊຽນ 2025 ເຊິ່ງເປັນຜົນງານຂອງ ສປປ ລາວ ທີ່ຝາກໄວ້ໃນອາຊຽນ.


 

 

ແກ້ໄຂລ່າສຸດ ( ມື້ພຸດທີ່ 06 ກັນຍາ 2017 ເວລາ 10: 23 )  

ບົດຄວາມທີ່ກ່ຽວຂ້ອງ