Foreign Trade Policy Department

    ພາສາລາວພາສາອັງກິດ

ເມນູຫຼັກ

ໜ່ວຍງານແຈ້ງຂໍ້ມູນ GATS

WTO & AEC Center

ຜູ້ທີ່ກຳລັງເຂົ້າຢ້ຽມຊົມ

ເຮົາມີ 105 ບຸກຄົນທົ່ວໄປ ອອນໄລນ

ສະຖິຕິຜູ້ເຂົ້າຢ້ຽມຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday230
mod_vvisit_counterYesterday1252
mod_vvisit_counterThis week5205
mod_vvisit_counterLast week7548
mod_vvisit_counterThis month20653
mod_vvisit_counterLast month32845
mod_vvisit_counterAll days1249917

Launching Ceremony of Lao Services Portal website

ອີເມລ ພິມ PDF
There are no translations available.

ພິທິເປີດການນຳໃຊ້ ສູນຂໍ້ມູນຂ່າວສານທາງດ້ານການຄ້າດ້ານບໍລິການ ຢ່າງເປັນທາງການ

ໃນຕອນບ່າຍຂອງວັນທີ 31 ສິງຫາ 2017 ທີ່ຜ່ານມານີ້, ທີ່ຫ້ອງປະຊຸມໃຫຍ່ກະຊວງອຸດສາຫະກຳ ແລະການຄ້າ ໄດ້ມີພິທີເປີດການນຳໃຊ້ ສູນຂໍ້ມູນຂ່າວສານທາງດ້ານການຄ້າດ້ານບໍລິການ Lao Services Portal (LSP) ຢ່າງເປັນທາງການ.

ໃຫ້ກຽດເປັນປະທານໃນພິທີເປີດສູນຂໍ້ມູນຂ່າວສານດັ່ງກ່າວໂດຍ ທ່ານ ນ. ເຂັມມະນີ ພົນເສນາ, ລັດຖະມົນຕີກະຊວງອຸດສາຫະກຳແລະການຄ້າ, ພ້ອມນັ້ນຍັງມີແຂກທີ່ຖືກເຊີນຈາກ ບັນດາກະຊວງ, ຂະແໜງການທີ່ກ່ຽວຂ້ອງ ລວມທັງແຂກຕ່າງປະເທດ ຈາກບັນດາສະຖານທູດ, ອົງການຈັດຕັ້ງສາກົນ ແລະ ພາກທຸລະກິດ ໂດຍສະເພາະແມ່ນຜູ້ປະກອບການທາງດ້ານການຄ້າດ້ານບໍລິການ ແລະ ແຂກທີ່ຖືກເຊີນອື່ນໆເຂົ້າຮ່ວມຫລາຍກ່ວາ ໜຶ່ງຮ້ອຍທ່ານ.

ໃນພິທີດັ່ງກ່າວຍັງໄດ້ຮັບຟັງການລາຍງານໂດຍຫຍໍ້ກ່ຽວກັບຄວາມເປັນມາ ແລະ ວັດຖຸປະສົງຫລັກໃນການສ້າງສູນຂໍ້ມູນຂ່າວສານຂ່າວສານ ທາງດ້ານການຄ້າດ້ານບໍລິການ ຕັ້ງແຕ່​ໄລຍະເລີ່ມຕົ້ນສ້າງ ແລະ ຄວາມສຳຄັນ ຂອງສູນຂໍ້ມູນດັ່ງກ່າວໂດຍ ທ່ານ ປອ ລາວຮົວ ເຈີຈີງ, ຫົວໜ້າກົມ ນະໂຍບາຍການຄ້າຕ່າງປະເທດ ເຊິ່ງເປັນຜູ້ຊີ້ນໍາ ໃນການພັດທະນາສູນຂໍ້ມູນຂ່າວສານດັ່ງກ່າວນີ້  ໃນບາງຕອນທ່ານໄດ້ກ່າວວ່າ: “ ສູນຂໍ້ມູນຂ່າວສ່ານທາງດ້ານການຄ້າ ດ້ານບໍລິການ ຫລື ມີຊື່ເປັນພາສາອັງກິດເອີ້ນວ່າ: Lao Services Portal (LSP) ໄດ້ຮັບການກະກຽມ ແລະ  ດຳເນີນການພັດທະນາມາຕັ້ງແຕ່ທ້າຍປີ 2015 ໂດຍໄດ້ຮັບການສະໜັບສະໜູນທຶນ ຈາກໂຄງການອໍານວຍຄວາມສະດວກທາງດ້ານການຄ້າໄລຍະທີສອງ (TDF2) ແລະ ການຮ່ວມມືຢ່າງໃກ້ຊິດກັບທະນາຄານໂລກ ໃນການຈັດຕັ້ງປະຕິບັດ. ເປົ້າໝາຍຫລັກໃນການສ້າງສູນຂໍ້ມູນຂ່າວສານດັ່ງກ່າວນີ້ ແມ່ນເພື່ອອຳນວຍຄວາມສະດວກ ໃຫ້​ແກ່ນັກທຸລະກິດ ແລະ ນັກລົງທຶນ ທັງພາຍໃນ ແລະ ຕ່າງປະເທດ ລວມທັງສາທາລະນະຊົນທົ່ວໄປ ໃຫ້ສາມາດເຂົ້າເຖິງຂໍ້ມູນຂ່າວສານທີ່ຈຳເປັນສຳລັບການດຳເນີນທຸລະກິດ ຊຶ່ງກ່ຽວຂ້ອງກັບການຄ້າດ້ານບໍລິການ ໄດ້ສະດວກສະບາຍ ແລະ ມີຄວາມວ່ອງໄວ ທັນສະໃໝ ຜ່ານທາງລະບົບ ອິນເຕີເນັດ (IT).

ພາຍໃນສູນຂໍ້ມູນຂ່າວສານທາງດ້ານການຄ້າດ້ານບໍລິການ ແມ່ນປະກອບໄປດ້ວຍ ຂໍ້ມູນກ່ຽວກັບນິຕິກຳ, ມາດຕະການ, ຂັ້ນຕອນ, ແບບຟອມ, ຂໍ້ຜູກພັນທາງດ້ານການຄ້າ, ຂ່າວສານ ແລະ ຂໍ້ມູນອື່ນໆ ທີ່ກ່ຽວຂ້ອງກັບການຄ້າດ້ານບໍລິການ ທີ່ຜູ້ນຳ ໃຊ້ເວັບໄຊ໊ສາມາດເບິ່ງ ແລະ ດາວໂຫລດມາເກັບໄວ້ໄດ້. ນອກນັ້ນ ພາຍໃນເວັບໄຊ໊ຍັງມີແບບຟອມໃນການສົ່ງຂໍ້ຄິດເຫັນ ຫລື ຄຳຖາມຈາກຜູ້ຊົມໃຊ້ເວັບໄຊ໊ ເຊິ່ງຄຳຖາມທີ່ໄດ້ຮັບນັ້ນຈະຖືກສົ່ງຕໍ່ໄປຍັງ ອົງການຈັດຕັ້ງທີ່ກ່ຽວ ຂ້ອງກັບຄຳຖາມນັ້ນໆຕາມຈຸດປະສານງານຕ່າງໆ ເພື່ອດຳເນີນການຕອບກັບຄືນໄປຍັງຜູ້ຖາມ ໂດຍຜ່ານໜ່ວຍງານຄຸ້ມຄອງ ແລະ ບຳລຸງ ຮັກສາສູນຂໍ້ມູນຂ່າວສານດັ່ງກ່າວທີ່ປະຈຳຢູ່ ກົມນະໂຍບາຍການຄ້າຕ່າງປະເທດ, ກະຊວງອຸດສາຫະກຳ ແລະ ການຄ້າ.

ສູນຂໍ້ມູນຂ່າວສານທາງດ້ານການຄ້າດ້ານບໍລິການ ແມ່ນປະກອບມີສອງ ພາສາລາວ ແລະ ອັງກິດ ເພື່ອຮອງ    ຮັບໃຫ້ກັບນັກລົງທຶນຈາກທັງພາຍໃນ ແລະ ຕ່າງປະເທດສາມາດຄົ້ນຫາຂໍ້ມູນຕ່າງໆ ໃນເວັບໄຊ໊ໄດ້ຢ່າງສະດວກສະ       ບາຍ.   ທ່ານສາມາດເຂົ້າຢ້ຽມຊົມເວັບໄຊໄດ້ທີ່    www.laoservicesportal.gov.la


ແກ້ໄຂລ່າສຸດ ( ມື້ພຸດທີ່ 06 ກັນຍາ 2017 ເວລາ 10: 23 )  
You are here: Home ຂ່າວສານແລະກິດຈະກຳ ຂ່າວສານ Launching Ceremony of Lao Services Portal website

ບົດຄວາມທີ່ກ່ຽວຂ້ອງ